چالاکییەکان

بەرواری 6-5-2024 کۆتایی بە خولێکی درومان هات، کە لەلایەن (پڕۆگرامی پێنجوێن شاری فێربوون) و بەهاوکاری مامۆستایانی خۆبەخشی شارۆچکەکە کرابوەوە بۆ خانمانی پێنجوێن، لە کۆتای خولەکەشدا بە ئامادەبوونی (قائمقامی پێنجوێن) (زانا رحمان) و دەستەیەک لە ئەندامانی دەستەی باڵای پڕۆگرامەکە قەڵغانی سوپاس و پێزانین بەخشرایە مامۆستایانی خۆبەخشی خولەکە و پاشان بڕوانامەی بەشداری بەخشرایە فێرخوازانیش. بەپێویستیشی دەزانین سوپاسی بێ پایان ئاڕاستەی هەریەک لە مامۆستایانی خۆبەخشی خول: مامۆستا شــەیمــا احـمد فاضل مامۆستا شادومان عطا محمد مامۆستا سۆزان عمر حمە عزیز مامۆستا نعیمە محمد رسول بکەین و هیوای بەردەوامی و تەندروستیەکی باشیان لە ژیاندا بۆ دەخوازین.

ئەمڕۆ، د.هەڤاڵ ئەبوبەکر پارێزگاری سلێمانی، لە دیوانی پارێزگادا، پێشوازیکرد لە بەڕێزان حەبیب مەحمود و مامۆستا حەمەعەلی مەعروف نوێنەرانی پڕۆگرامی پێنجوین شاری فێربوون، کە بەمەبەستی پێشنیازکردنی دانانی شوێنێک بۆ کۆکردنەوەی پیلی بەکارهاتوو وەک پڕۆژەیەکی خۆبەخشانەی دۆستی ژینگە لە سنوری شارەوانیی سلێمانیدا؛ سەردانی پارێزگایان کردبوو. پارێزگاری سلێمانی سوپاس و پێزانیی خۆی پێشکەشکردن و پشتیوانیی پارێزگای سلێمانی لە ڕێی سەرۆکایەتیی شارەوانییەوە بۆ دووپاتکردنەوە

بەئامادەبوونی قایمقامی قەزای پێنجوێن بەڕێز زانا ڕەحمان سەرپەرشتیاری گشتی پڕۆگرام ودەستەی بەڕێوەبەری پڕۆگرامی پێنجوێن شاری فێربوون وبەشێک لە هاوکارانی پڕۆگرامەکە کۆبوونەوەیەکی فراوان ئەنجامدرا . لەکۆبونەوەکەدا تیشک خرایە سەر کاروچالاکییەکانی پڕۆگرامەکە وپێشنیار وڕاوسەرنجی ئامادەبووان وەرگیران ولە هەنگاوەکانی داهاتووی پڕۆگرامەکەدا کاری تەواوی لەسەر دەکرێت.

بەرواری ٣٠-٤-٢٠٢٤ لە چوارچێوەی کاروچالاکییەکانی پڕۆگرامی پێنجوێن شاری فێربوون و بەسەرپەرشتی بەڕێز مامۆستا (هیوا محمد ڕۆستم) سەرپەرشتیاری هەڵمەتی بەکلتوری کردنی خوێندنەوە، سیمینارێکی تایبەت بە خوێندنەوەی کتێب بۆ ژمارەیەک خانمی شارۆچکەی پێنجوێن بەڕێوەچوو. لە سیمینارەکەدا ئاماژە بەوەدرا پێویستە خانمان بەبەردەوامی خوێندنەوە بکەن بە بەشێک کاری ڕۆژانەیان و هەوڵبدەن خوێندنەوە بکەنە کلتور لە ژیانیاندا، هاوکات لەلایەن پڕۆگرامی پێنجوێن شاری فێربوونەوە کتێب دابیندەکرێت بۆ بەشداربوان و خوێنەران، هەر لە سیمینارەکەدا بەمەبەستی سود گەیاندن بە ئامادەبوان هەریەک لە بەڕێزان (ڕەیان ڕەوف و ئەوین سامان) هەریەکەیان وتەیەکی کورتیان سەبارەت بەو کتێبەی خوێندبویانەوە لەم هەڵمەتەدا پێشکەشی ئامادبوانکرد.

ئەمرۆ لەبەرواری 29-4-2024 بۆردی بالای پڕۆگرامی پێنجوین شاری فێربوون سەردانی نەخۆشخانەی هیوایان كرد. بەمەبەستی دەستخۆشی پێزانین و نرخاندنی هەوڵ و ماندوبوونی زۆری كارمەندانی دڵسۆز و پزیشكانی هیمەت بەرزی نەخۆشخانەكە وەك بەشێك لەكارەكانی پڕۆگرامی پێنجوێن شاری فێربون. هەروەها لەگەڵ بەڕێز(دکتۆریادنەقشبەندی)بەڕێوەبەری نەخۆشخانەی هیوا گفتوگۆکرا بۆ ئەنجامدانی كاری هاوبەش بۆ ڕێگەگرتن لە شێرپەنجە و پێشكەشكردنی باشترین خزمەتگوزاری بۆ توشبووانی شێرپەنجە لەشاری پێنجوین و دەروبەری و هەروەها دانانی پلانێكی دروست بۆ بەرزكردنەوەی ئاستی هوشیاری بۆ خۆپاراستن و گرنگی زووناسینەوە لەرێگای پشكنینی پێشوەخت و هەوڵدان بۆ دابینكردنی ئامێری مەمۆگرام و كۆلۆنۆسۆكپی و هتد . بریارە لەداهاتوویەکی نزیکدا تیمێكی نەخۆشخانەی هیوا سەردانی شاری پێنجوێن بكەن بەمەبەستی شیکارکردنی داتایی نەخۆشانی شێرپەنجە لەسنوری قەزای پێنجوێن دا و هەروەها پشت بەستن بەحاڵەتە تۆماركراوەكانی شێرپەنجە لەپێنجوێن پلانی داهاتوو دادەنرێت..

لە چوارچێوەی پڕۆگرامی پێنجوێن شاری فێربوندا کارمەندان و مامۆستایان و قوتابیانی ئەزیزی قوتابخانەی گەرمکی بنەڕەتی هەستان بە کۆکردنەوەی پیل و باتری لە کارکەوتوو لە بەر ئەم مەترسییانە... مەترسییەکانی فڕێدانی پیل و باتری لە کارکەوتوو. 👈یەک پیل بۆ یەک تەن خاک. واتە تەنها بە فڕێدانی یەک پیل بڕی یەک تەن کە دەکاتە (١٠٠٠) کیلۆ گرام خاک ژەهراوی دەکات بۆ ماوەی پەنجا ساڵ... 👈یەک پیل بۆ هەزار مەتر ئاو. واتە تەنها بە فڕێدانی یەک پیل بڕی (١٠٠٠) مەتر سێجا ئاو ژەهراوی دەکات بۆ ماوەی پەنجا ساڵ... 👈پیلی فڕێدراو یەکسانە بە نەخۆشی هۆکارە بۆ نەخۆشی شێرپەنجە و نەزۆکی و دەمار و پێست و هاوکات چەندین نەخۆشی دیکە... 👈دوازدە مادەی کانزایی تێدایە. لەو مادە کانزاییانەی کە تێیدایە نزیکەی هەشت ماددەیان ژەهراوین و دەکرێت لە ڕێگەی ئاو و هەوا و خۆراکەوە زیان بە مرۆڤ بگەیەنێت... بۆیە بە ئەرکی خۆتی بزانە و بەژداربە لە کۆکردنەوەی پیل و باتری لە کارکەوتوو چونکە هۆکاری سەرەکی دابینکردنی ژیانێکی تەندروستە بۆ خۆت و دەوروبەرت بۆیە ئێمە بەردەوام ئەبین و تۆی ئازیزیش دەست پێبکە...

لە لایەن بەشێک لە ئەندامانی دەستەی باڵای پڕۆگرامی پێنجوێن شاری فێربوون پێشوازی کرا لە ئەنجومەن و ستافی گوندی گامێش تەپە و گەنجانی خوێن گەرم و دڵاوای گوندەکە کە لە تاراوگە دەژین و خزمەتی مرۆڤایەتی دەکەن.

بەردەوامی خولی (کارامەییەکانی ژیان) (لایف سکیڵەکان)

ئەمڕۆ شەممە لە چوارچێوەی چالاکیەکانی (پڕۆگرامی پێنجوێن شاری فێربوون) و بەهاوبەشی (ڕێکخراوی ملەکەوە بۆ پاراستنی ژینگە) بەرواری ٢٧-٤-٢٠٢٤ سیمینارێکی ژینگەیی لەژێتناونیشانی دارستان و ژیان (گرنگی و پاراستنی) ڕێکخرا بۆ بەڕێز مامۆستا (حسن ڕەوش) ناسراو بەپارێزەر، شارەزا و توێژەر لەبوارت دارستانەکانی زاگرۆز ...

دەسیپێکی خولی درومان بۆ ئاستی ناوەندی و پێشکەوتوو

ئەمڕۆ بەرواری ٢٢-٤-٢٠٢٤ لەلایەن پڕۆگرامی پێنجوێن شاری فێربوونەوە کۆڕێکی هۆشیاری ژینگەیی ڕێکخرا لەژێر ناونیشانی (دۆزینەوە و داهێنانی نوێی و زانست) بۆ بەڕێز (پڕۆفیسۆر دکتۆر سامان ٲحمد) پسپۆڕی بواری ڕووەک و فلۆرای کوردستان

لەدرێژەی چالاکیەکانی (🟠پڕۆگرامی پێنجوێن شاری فێربوون) 🟢ئەمڕۆ پێنج شەممە ١٨/٤/٢٠٢٤ بەشی تەندرووستی پڕۆژە سیمینارێکی دیکەی سازکرد بۆ خوێندکارە خانمەکانی ئامادەیی (ڕێچکەی تێکەڵاو) لە شارۆچکەی پێنجوێن.کە سیمینارەکە لەلایەن ڕاهێنەر : 🚺 (میدیا حامد عبداللە)ەوە پێشکەش کرا،ئەم سیمینارە تایبەت بوو بە (شێرپەنجەی مەمک)،بە ڤیدیۆو نووسین هۆشداری و ڕێنمایی درا بە خانمان کە چۆن پشکنینی پێش وەختە بکەن و ڕێگاکانی خۆپاراستن لە شێرپەنجەی مەمک چی یە؟! سوپاس بۆ تەواوی هاوکاران لە ئامادەیی ڕێچکەی تێکەڵاو و ستافی تەندروستی پڕۆژە... هیوای تەندروستیەکی باش و سەلامەتی بۆ هەموولایەک دەخوازین ...

نەمامەکانی ناوچەی پێنجوێن خەریکە دێنە بەر،تکایە با هاوکاریان بین،خاوەندارێتی و پاراستنیان لەئەستۆ بگرین. خەمی ژینگە و چاکەی گشتی، ئەرکی خۆبەخشانی گروپی نەمام ، جوانترین دەست خۆشی و پێزانینمان هەیە بۆیان. ئەمڕۆ سێ شەممە بەروری ١٦/ ٤ /٢٠٢٤ ڕۆڵە خۆبەخشەکانی نیشتمان لە گروپی نەمام ، لە کاتژمێر ٦ ی بەیانیەوە ، هەڵمەتی بەهارەیان دەستپێکرد بۆ ئامادەکردنی بنی نەمامەکانی ڕێگای پێنجوێن-گەرمک بۆ وەرزی ئاودان ، کە لە درێژەی ٩ سەعات کارکردندا توانیان زۆربەی کارەکە بە هەرەوەزی و لە کەشێکی برایەتیدا تەواو بکەن. سوپاس بۆ بەشدارانی هەڵمەتەکە و لەشیان ساغ بێت.

ڕێکخراوەکانی ژینگەیی هۆشداریی دەدەن لەوەی، گیا بەهارییەکان لە سنووری پێنجوێن مەترسی لەناوچوونیان لەسەرە و داوا دەکەن کارێک بکرێت بۆ ڕێگرییکردن لەو مەترسییە. ئەمڕۆ، لە پێنجوێن، بە دەستپێشخەریی ڕێکخراوی ملەکەوە بۆ پاراستنی ژینگە، پڕۆگرامی پێنجوێن شاری فێربوون و گرووپی نەمام، بە ئامادەبونی تەواوی لایەنە پەیوەندیدارەکانی سنوورەکە، چالاکوانان و مامۆستایانی ئاینیی، کۆنگرەیەکی ڕۆژنامەوانییان ئەنجامدا و تێیدا ڕایانگەیاند، گژوگیا بەهارییە کوێستانییەکان لە سنوورەکەدا مەترسی لەناوچوونیان لەسەرە و هۆکارەکەشیان خستەڕوو. 🔴 لە ئێستادا بازگەی هۆشیاری بۆ کوێستانەکانی چەمی شلێر لە لایەن پۆلیسی دارستانی گەرمکەوە داندراوە، جێگای دەستخۆشیە. لە بازگەکەدا سەرەڕای پێدانی پەڕەی ڕێنمای ژینگەیی، ڕێنمای بە هاوڵاتیان دەدرێت دەربارەی شێوازی پەسەند لە کۆکردنەوەی گیا کوێستانیەکاندا. ⚠️ تکایە ئاگاداربن بازگەکە بۆ هۆشیاریە و ڕێگری نییە لە چوونی هاوڵاتیان بۆ کوێستانەکان، بەڵام هەڵکەندنی گیا کوێستانی و بەهارییەکان بە سەلک و ڕەگەوە یاخود بەکارهێنانی گیاکەن بە هەموو شێوەیەک قەدەغەیە. سوپاس بۆ رێكخراوی ملەكەوە بۆ پاراستنی ژینگە سوپاس بۆ پۆلیسی دارستانی گەرمک. سوپاس بۆ گروپی نەمام سوپاس بۆ قائمقاميەتى قەزاى پێنجوێن سوپاس بۆ هەموو یەکە ئیداریەکانی تر کە پاڵپشتی هۆشیارییەکە دەکەن.

(ڕيکخراوی ملەکەوە بۆ پاراستنی ژینگە): هۆشداری دەدات لە کەمبونەوە و نەمانی گیا بەهارییەکان، لە ئەگەری بەردەوامی ئەمشێوازەی ئێستا لە هەڵکێشانی گیا بەهارییەکەن بەڕەگەوە و بەتایبەت گیاکانی ناوچە کوێستانییەکان. بەم هۆیەوە بەگرنگی دەزانین لەم بەهارەدا هەموومان هاوکاربین لە هەڵمەتی پاراستنی گیا بەهارییە سروشتییەکان لە لەناوچوون و هۆکارنەبین لە لەناوبردنیان. ئەوەش بە هەڵنەکەندنی گیاکان لە ڕەگەوە و بڕینی قەدەکانیان و هێشتنەوەی ڕەگەکانیان لەخاکدا بەمەبەستی دوبارە ڕوانەوەیان لە ساڵانی ئایندەدا .. تێبینی: هەڵمەتەکە بەهاوبەشی هەریەکە لە (پڕۆگرامی پێنجوێن شاری فێربوون) و (ڕيکخراوی ملەکەوە بۆ پاراستنی ژینگە) و (گروپی نەمام) و ژینگە دۆستان و هاوڵاتیان بەڕێوەدەچێت.