چالاکییەکان

شادی و خەندە باڵی کێشا بەسەر پێنجوێندا: ئاهەنگێکی ناوازە بۆ منداڵان بەڕێوەچوو! ئەمڕۆ دووشەممە (١ی حوزەیرانی ٢٠٢٦)، لە کەشێکی پڕ لە وزەی ئەرێنی و دڵخۆشی، پڕۆگرامی پێنجوێن شاری فێربوون بە هاوبەشی لەگەڵ دەستەی سەربەخۆی مافی مرۆڤ / نوسینگەی هەڵەبجە، ئاهەنگێکی تایبەت و ناوازەیان بۆ منداڵانی چاوگەشی شارۆچکەی پێنجوێن سازکرد. ئاهەنگەکە کاتژمێر ١٠:٠٠ی پێشنیوەڕۆ لە نهۆمی دووەمی کتێبخانەی گشتی پێنجوێن بەڕێوەچوو، کە تێیدا چەندین چالاکی جۆراوجۆری هونەری و کات بەسەربردنی بەپێز پێشکەش بە منداڵان کران. پەیامی پێزانین: لێرەوە سوپاس و پێزانینی بێپایانی خۆمان ئاڕاستەی دەستەی سەربەخۆی مافی مرۆڤ / نوسینگەی هەڵەبجە دەکەین بۆ هاوکاری و بەشدارییە کاریگەرەکەیان لە سەرخستنی ئەم ئاهەنگەدا. سوپاس و پێزانین بۆ سەرجەم مامۆستاکان کە هاوکارمان بوون ئامانجی سەرەکی: ئەم دەستپێشخەرییە بە مەبەستی پاڵپشتیکردنی لایەنی دەروونی و کۆمەڵایەتی منداڵان و چاندنی خەندە لەسەر لێویان ئەنجامدرا، تاوەکو یادگارییەکی جوانیان لەم ڕۆژەدا بۆ تۆمار بکرێت.

بۆ هەرسێ کادرانی کۆمیتەی (پێنجوێن وگەرمک و ناڵپارێز ) لە چوارچێوەی پرۆگرامی پێنجوێن شاری فێربووندا هەڵساین بە سازکردنی سیمینارێک لە لایەن بەڕێز (دکتۆر عبدالفتاح هەورامی) بە ناو نیشانی چۆن ژیانمان بەرهەم دار بکەین بە ئومێدی ئەوەی سودێکی زۆری بە هەموو لایەک گەیاندبێت.

بۆردی باڵای پڕۆگرامی پێنجوێن شاری فێربوون لەگەڵ بەڕێز م.عطا محمدلێپرسراوی نووسینگەی بەڕێز کاک قوبادتاڵەبانی جێگری سەرۆکی حکومەتی هەرێمی کوردستان،کۆبوونەوە و گفتوگۆیان لەسەر کار و چالاکیەکانی پڕۆگرامی پێنجوێن شاری فێربوون کرد.

سیمینارێکی تایبەت بە ناو نیشانی بنەماسەرەکیەکانی بەڕیوەبردن و سەرکردایەتی لەلایەن بەڕێز (دکتۆر ناجح سمین احمد) ئەنجامدرا بۆ بەڕێوەبەری فەرمانگەکانی سنوری قەزای پێنجوێن بە ئامادەبوونی هەردوو بەڕێز کاک (عەدنان کاکە ڕەش) قائیمقامی قەزای پێنجوێن سەرۆکی بۆردی پرۆگرامی پێنجوێن شاری فێربوون کاک (هێمن ابراهیم) بەڕێوەبەری ناحیەی ناڵپارێز و بەڕێوەبەری فەرمانگەکان.

سیمینارێکی زانستی لەسەر سروشتی کوردستان. پڕۆگرامی "پێنجوێن شاری فێربوون"، لە بەردەوامی چالاکییە زانستی و ڕۆشنبیرییە ژینگەییەکانی خۆیدا، سیمینارێکی تایبەت و ناوازە بۆ پسپۆڕێکی دیاری بواری ژینگە و ڕووەکناسی سازکرد بۆ . بەڕێز (پڕۆفیسۆر دکتۆر سامان ئەحمەد) پسپۆڕی بواری ڕووەک و فلۆرای کوردستان.

بۆردی باڵای پرۆگرامی پێنجوێن شاری فێربوون بەشداریان لە کۆبونەوەیەکدا کرد لەگەڵ سەرجەم بەڕێوەبەری فەرمانگەکانی سنوری قەزای پێنجوێن بە ئامادەبونی بەرێز کاک عدنان کاکە ڕەش قائیمقامی قەزای پێنجوێن و سەرۆکی بۆردی باڵای پرۆگرامی پێنجوێن کە بەڕێز کاک دکتۆر عبدالفتاح بە نوێنەرایەتی پرۆگرام کارنامەی ئەم ساڵی پرۆگرامەکەی بە تایبەت بۆ پەرە پێدانی کەرتی حکومی بەتایبەت کەرتی فەرمانبەران خستە ڕوو بۆ ئەوەی بتوانین هاوکاری فەرمانبەر و بەڕێوە بەری دائیرەکان بکەین بۆ ئەوەی باشتر توانای خۆیان بەرز بکەنەوە لە خزمەتکردنی سنوری قەزاکە ئەمەش وەکو بەشێک لە پەرەپێدانی پرۆگرامی پێنجوێن شاری فێربوون سەرجەم بوارەکانی پەروەردە و تەندروستی و گەنجان بەشێکی گرنگی خزمەتگوزاین لە سنوری قەزاکەمان،بۆیە وەکو پرۆگرامەکە گرنگە بە لامانەوە کە خولی تایبەت بە فەرمانبەران و بەڕێوەبەری فەرمانگەکان بکەینەوە بۆ ئەوەی توانا و لێهاتویان بەرز بکرێتەوە بتوان زیاتر خزمەتی خەڵکی سنوری قەزای پێنجوێن بکەن.

بۆردی باڵای پرۆگرامی پێنجوێن شاری فێربوون خوێندنگەی ئامادەیی ڕێچکەی تێکەڵاویان بەسەر کردەوە و لە نزیکەوە بەشداری چەند چالاکیەکی خوێندنگەکەیان کرد دەست خۆشی و سوپاس و پێزانینیان هەبوو بۆ مامۆستاکان و خوێندکاران و بەڕێوەبەری خوێندنگەکە کە هەوڵیان داوە سیستەمی وانە وتنەوە بە شێوازێکی پێشکەو توو لە خوێندگەکەیانە جێبەجێ بکەن.

سیمینارێکی تایبەت بە پاراستنی گیا بەهارییەکان لە پێنجوێن بەڕێوەچوو ​پێنجوێن - ئەمڕۆ سێشەممە (١٧ی ئازاری ٢٠٢٦)، لەپێشوازی وەرزی بەهاردا سیمینارێکی هۆشیاریی ژینگەیی لەژێر ناونیشانی "چۆن پارێزگاری لە گیا بەهاری و خۆراکییەکان بکەین؟" لە هۆڵی پڕۆگرامی (پێنجوێن شاری فێربوون) لە کتێبخانەی گشتیی شارۆچکەکە بەڕێوەچوو. ​ئەم چالاکییە کە بە هەماهەنگی لە نێوان پڕۆگرامی "پێنجوێن شاری فێربوون" و "ڕێکخراوی ملەکەوە بۆ پاراستنی ژینگە" ڕێکخرابوو، لەلایەن ڕێبوار کەمال، سەرۆکی ڕێکخراوی ملەکەوە پێشکەش کرا. ​لە سیمینارەکەدا تیشک خرایە سەر گرنگیی بەکارهێنانی زانستییانەی گیا بەهارییەکان و ڕێگریکردن لە هەڵکێشانی ڕەگی ئەو گیایانەی کە سەرچاوەیەکی گرنگی خۆراکی و ئابوورین بۆ دانیشتووانی سنوورەکە. بەهۆی دەوڵەمەندیی کوێستانەکانی پێنجوێن بە ڕووەکی دەگمەن، چالاکییەکە جەختی لە چەند خاڵێکی سەرەکی کردەوە: ​بڵاوکردنەوەی کولتووری دروستی لێکردنەوەی گیاکان. ​پاراستنی فرەچەشنیی زیندەیی لە کوێستانەکاندا. ​هۆشیارکردنەوەی هاوڵاتیان لە مەترسیی لەناوچوونی ئەم سامانە نەتەوەییە. ​سیمینارەکە بە ئامادەبوونی ژمارەیەک لە دۆستانی ژینگە و هاوڵاتیانی ناوچەکە بەڕێوەچوو، بە ئامانجی ئەوەی پێکەوە کار بۆ پاراستنی ژینگەی پێنجوێن بکرێت.

تاقیکردنەوەی قۆناخی دووەم وانەی کۆمپیوتەر و وانەی ئنگلیزی

پێنجوێن - ١٨ی شوباتی ٢٠٢٦: لە مەراسیمێکی پڕ شکۆ و شایستەدا، ئەمڕۆ چوارشەممە، بە ئامادەبوونی ژمارەیەک لە بەرپرسانی باڵای ئیداری و ئەمنی، ڕێز لە کۆمەڵێک ڕاهێنەر و چالاکوانی خۆبەخش گیرا کە ڕۆڵێکی کاریگەریان لە پڕۆژەی "پێنجوێن شاری فێربوون"دا گێڕاوە. مەراسیمەکە بە ئامادەبوونی بەڕێز عەدنان کاکە ڕەش، قائیمقامی قەزای پێنجوێن و سەرۆکی بۆردی باڵای پڕۆگرامی "پێنجوێن شاری فێربوون"، و ئامادەبوونی بەڕێوەبەری ئاسایشی پێنجوێن، بەڕێوەبەری ناحیەی ناڵپارێز و ژمارەیەک لە بەرپرسانی حکومی شارۆچکەکە بەڕێوەچوو. لە بەشێکی سەرەکی مەراسیمەکەدا، قەڵغانی سوپاس و پێزانین بەخشرا بە هەریەک لە: بەڕێز لوقمان لەتیف: سەرپەرشتیاری بۆردی تەندروستی پڕۆگرامەکە. ژمارەیەک لە ڕاهێنەرانی خۆبەخش: کە لە کەرتی تەندروستی پڕۆگرامەکەدا چالاک بوون. هۆکاری خەڵاتکردنەکە ئەم ڕێزلێنانە وەک وەفایەک بوو بۆ ئەو ئەرک و ماندووبوونە خۆبەخشانەیەی کە ئەم تیمە لە ماوەی ڕابردوودا ئەنجامیان داوە. ئەوان توانیویانە لە ڕێگەی هەڵمەتەکانی هۆشیارکردنەوەوە، خزمەتێکی گەورە بە دانیشتوانی پێنجوێن و دەوروبەری بکەن و ئاستی ڕۆشنبیری تەندروستی لە ناوچەکەدا بەرز بکەنەوە. پاشان بەڕێز قائیمقامی پێنجوێن لە میانەی وتارێکدا، بەڕێز عەدنان کاکە ڕەش، وێڕای دەربڕینی سوپاس و پێزانینی قوڵ بۆ سەرجەم ڕاهێنەرە خۆبەخشەکان و هیوای سەرکەوتن بۆیان، جەختی لەسەر گرنگیی کاری خۆبەخشی کردەوە وەک کۆڵەکەیەکی سەرەکی بۆ پێشخستنی کۆمەڵگە. هەروەها بەڕێزیان وتیان: "ئێمە بەڵێن دەدەین کە لە ئایندەدا درێژەپێدەر و بەردەوام دەبین لە خزمەتکردنی شارۆچکەی پێنجوێن، بەتایبەتی لە بواری پەروەردە و فێرکردن و لە سەرجەم سێکتەرە جیاوازەکاندا." - عەدنان کاکە ڕەش ئەم چالاکییە بەشێکە لە هەوڵە بەردەوامەکانی پڕۆگرامی "پێنجوێن شاری فێربوون" بۆ گۆڕینی شارۆچکەکە بە ناوەندێکی گرنگی ڕۆشنبیری و فێرکاری لە هەرێمی کوردستاندا. پێشەنگانی کەرتی تەندروستیی "شاری فێربوون" خەڵات دەکرێن پێنجوێن - ١٨ی شوباتی ٢٠٢٦: لە مەراسیمێکی پڕ شکۆ و شایستەدا، ئەمڕۆ چوارشەممە، بە ئامادەبوونی ژمارەیەک لە بەرپرسانی باڵای ئیداری و ئەمنی، ڕێز لە کۆمەڵێک ڕاهێنەر و چالاکوانی خۆبەخش گیرا کە ڕۆڵێکی کاریگەریان لە پڕۆژەی "پێنجوێن شاری فێربوون"دا گێڕاوە. مەراسیمەکە بە ئامادەبوونی بەڕێز عەدنان کاکە ڕەش، قائیمقامی قەزای پێنجوێن و سەرۆکی بۆردی باڵای پڕۆگرامی "پێنجوێن شاری فێربوون"، و ئامادەبوونی بەڕێوەبەری ئاسایشی پێنجوێن، بەڕێوەبەری ناحیەی ناڵپارێز و ژمارەیەک لە بەرپرسانی حکومی شارۆچکەکە بەڕێوەچوو. لە بەشێکی سەرەکی مەراسیمەکەدا، قەڵغانی سوپاس و پێزانین بەخشرا بە هەریەک لە: بەڕێز لوقمان لەتیف: سەرپەرشتیاری بۆردی تەندروستی پڕۆگرامەکە. ژمارەیەک لە ڕاهێنەرانی خۆبەخش: کە لە کەرتی تەندروستی پڕۆگرامەکەدا چالاک بوون. هۆکاری خەڵاتکردنەکە ئەم ڕێزلێنانە وەک وەفایەک بوو بۆ ئەو ئەرک و ماندووبوونە خۆبەخشانەیەی کە ئەم تیمە لە ماوەی ڕابردوودا ئەنجامیان داوە. ئەوان توانیویانە لە ڕێگەی هەڵمەتەکانی هۆشیارکردنەوەوە، خزمەتێکی گەورە بە دانیشتوانی پێنجوێن و دەوروبەری بکەن و ئاستی ڕۆشنبیری تەندروستی لە ناوچەکەدا بەرز بکەنەوە. پاشان بەڕێز قائیمقامی پێنجوێن لە میانەی وتارێکدا، بەڕێز عەدنان کاکە ڕەش، وێڕای دەربڕینی سوپاس و پێزانینی قوڵ بۆ سەرجەم ڕاهێنەرە خۆبەخشەکان و هیوای سەرکەوتن بۆیان، جەختی لەسەر گرنگیی کاری خۆبەخشی کردەوە وەک کۆڵەکەیەکی سەرەکی بۆ پێشخستنی کۆمەڵگە. هەروەها بەڕێزیان وتیان: "ئێمە بەڵێن دەدەین کە لە ئایندەدا درێژەپێدەر و بەردەوام دەبین لە خزمەتکردنی شارۆچکەی پێنجوێن، بەتایبەتی لە بواری پەروەردە و فێرکردن و لە سەرجەم سێکتەرە جیاوازەکاندا." - عەدنان کاکە ڕەش ئەم چالاکییە بەشێکە لە هەوڵە بەردەوامەکانی پڕۆگرامی "پێنجوێن شاری فێربوون" بۆ گۆڕینی شارۆچکەکە بە ناوەندێکی گرنگی ڕۆشنبیری و فێرکاری لە هەرێمی کوردستاندا

پێنجوێن - پڕۆگرامی پێنجوێنی شاری فێربوون ئەمڕۆ پێنجشەممە، ١٢ی شوباتی ٢٠٢٦، پانێڵێکی تایبەتی ئەکادیمی بە ناونیشانی ژینگە و ژیان: لە هزرەوە بۆ کردار لە هۆڵی پڕۆگرامی پینجوێن شاری فێربوون لە کتێبخانەی گشتی پێنجوێن بەڕێوەبرد. ئەم پانێڵە کە لە کاتژمێر ٢ی دوای نیوەڕۆدا لە نهۆمی دووەمی کتێبخانەی گشتی پێنجوێن دەستی پێکرد، لەلایەن دوو ئەکادیمی و توێژەری ناسراوی زانکۆوە پێشکەش کرا: پرۆفیسۆری یاریدەدەر د. کارزان عەبدوڵڵا و پرۆفیسۆری یاریدەدەر د. عەبدوڵڵا ئەحمەد (د. خاکی). ئەم چالاکییە ئەکادیمییە بە سەرکەوتوویی و بە بەشداریکردنی بەرچاوی ژمارەیەک لە دانیشتوانی پێنجوێن و ئامادەبوونی خانەوادەی شەهیدانی ژینگە بێستون عەبدوڵڵا و ئالان یوسف بەڕێوەچوو. پانێڵەکە هەلێکی گرنگ بوو بۆ لێکدانەوە و گفتوگۆ سەبارەت بە پرسی ژینگە و گرنگی گواستنەوەی هزر بۆ کردار لە بواری پاراستنی ژینگە و ژیان.

پێنجوێن شاری فێربوون کۆبونەوەی ساڵانەی ئەنجامدا ئەمڕۆ بەرواری ٩/٢/٢٠٢٦ ئەندامانی بۆردی باڵای پرۆگرامی پێنجوێن شاری فێربوون،کۆبونەوەی ساڵانەی ئەنجامدا بە سەرپەرشتی بەڕێوەبەری پرۆگرام سەرپەریشتیار و ئەندامانی بۆردی باڵا،لە کۆبونەوەکەدا باس لە کاروچالاکیەکانی ساڵی ڕابردوو کرا،بە ڕاوێژکردن لەگەڵ ئەندامانی بۆردی مەیدانی پرۆگرام پلان و بەرنامە بۆ ساڵی تازە٢٠٢٦ دانرا، پێنجوێن شاری فێربوون تەنها پڕۆژەیەکی پەروەردەیی ئاسایی نییە، بەڵکو وەرچەرخانێکی گرنگە بۆ ناساندنی پێنجوێن وەک ناوەندێکی مەعریفی لەسەر ئاستی جیهانی،

ئەمڕۆ ڕێکەوتی9/2/2026 قائیمقامی قەزای پێنجوێن بەڕێز(عەدنان کاکە ڕەش ) وەک سەرپەریشتیاری بۆردی باڵای پرۆگرام پێنجوێن شاری فێربوون دەست بەکاربوو دەست بە کاربوونی بەڕێزقائیمقام وەک سەرپەرشتیاری پڕۆژەکە بەردەوامی دانە بە خزمە ت وکارەباشەکانی پێشتری پڕۆژەکە وهەماهەنگی زیاترو پێکەوەوسوودگەیاندن بە پێنجوێن و پێنجوێنیەکان بێ جیاوازی. پێنجوێن شاری فێربوون تەنها پڕۆژەیەکی پەروەردەیی ئاسایی نییە، بەڵکو وەرچەرخانێکی گرنگە بۆ ناساندنی پێنجوێن وەک ناوەندێکی مەعریفی لەسەر ئاستی جیهانی، لەماوەی دەستپێکردنی پڕۆژەکەوە کارەکانیان بەرچاون و شایەتی ئەوخزمەتە دەدەن کە بەم شارە کردویانە لەزۆربەی بوارەکاندا هەروەها ناسنامەیەکی نوێیە بۆ شارەکەو ئامادەکردنی نەوەیەکی هۆشیارە کە بتوانێت ڕووبەڕووی تەحەددییەکانی سەدە ببێتەوە و پێنجوێن بکاتە نموونەیەک بۆ هەموو کوردستان.

٧-٢-٢٠٢٦ کتێبخانەی گشتی پێنجوێن_هۆڵی پرۆگرامی پێنجوێن شاری فێربوون. لە هەنگاوێکی نوێدا بۆ بەرزکردنەوەی ئاستی خزمەتگوزاری، ژمارەیەک لە خۆبەخشانەکانمان بڕوانامەی تەواوکردنی خولی TOT (ڕاهێنانی ڕاهێنەران)یان وەرگرت. ئەم خولە تایبەتە لەلایەن ڕاهێنەری نێودەوڵەتی بەڕێز محەمەد میرانیەوە پێشکەش کرا و بە ئامانجی گەشەپێدانی توانا و شارەزاییی خۆبەخشانەکان ڕێکخرابوو. بەشداربووان دەرفەتیان بەدەستهێنا کە زانیاری و لێهاتوویی خۆیان لە بواری ڕاهێنان و پەروەردەدا قووڵتر بکەن، ئەمەش کاریگەری ئەرێنی لەسەر کوالیتی خزمەتگوزارییەکان دەهێڵێت کە لە ڕێگەی پڕۆگرامی پێنجوێن شاری فێربوونەوە پێشکەش دەکرێن. لە کۆتایی بۆنەکەدا، قەڵغانی تایبەتی سوپاس پێشکەشی بەڕێزمحمد میرانی کرا بۆ هەوڵە بێوچانەکەی کە ڕۆڵێکی کاریگەری لە سەرکەوتنی ئەم خولەدا هەبوو.

پێنجوێن - ئەمڕۆ، چوارشەممە، پڕۆگرامی پێنجوێن شاری فێربوون سیمینارێکی تایبەتی سەبارەت بە بەڕێوەبردنی ئابووری و دارایی خێزان پێشکەش کرد. سیمینارەکە لە کاتژمێر ٢ی دوای نیوەڕۆ لە هۆڵی کتێبخانەی گشتی پێنجوێن بەڕێوەچوو، کە لەلایەن ڕاوێژکاری بزنس و نووسەر گەشتیار غەریب پێشکەش کرا. بەڕێز گەشتیار غەریب، کە نووسەری ٢٥ کتێب لە بواری بزنس و ئابوورییە و دامەزرێنەری پڕۆژەی کارسازی شادمانە، ڕازەکانی بەڕێوەبردنی دارایی و دروستکردنی پلانی ئابووری کاراکانی بۆ بەشداربووان ڕوونکردەوە. سیمینارەکە جەختی لەسەر زیادکردنی توانای پاشەکەوتکردن و وەبەرهێنان و بنیاتنانی داهاتوویەکی ئابووری باشتر بۆ خێزانەکان کرد.