سەرەکی / چالاکییەکان
پێنجوێن شاری فێربوون
🟢ئەمڕۆ پێنج شەممە ٢٢/٢/٢٠٢٤ لە چوارچێوەی (پڕۆگرامی پێنجوێن شاری فێربوون)،بەشی تەندرووستی هەستاین بە کردنەوەی سیمینارێکی دیکە بۆ کۆمەڵێک خاتوونی بەڕێزی شارۆچکەی پێنجوێن ،کە سیمینارەکە لەلایەن هەردوو ڕاهێنەر:🚺بینایی عمر و 🚺سۆزیار خالید) پێشکەش کرا،ئەم سیمینارە تایبەت بوو بە (شێرپەنجەی مەمک)،بە ڤیدیۆو نووسین هۆشداری و ڕێنمایی درا بە خانمان کە چۆن پشکنینی پێش وەختە بکەن و ڕێگاکانی خۆپاراستن لە شێرپەنجەی مەمک چی یە؟! سووپاس بۆ تەواوی هاوکاران لە پڕۆگرامی پێنجوێن شاری فێربوون.. هیوای تەندروستیەکی باش و سەلامەتی بۆ هەموولایەک دەخوازین ...
بەهۆی گرنگی پێگەی جوگرافی و کشتوکاڵی شارۆچکەی پێنجوێنەوە لەچوارچێوەی کار و چالاکیەکانی (پڕۆگرامی پێنجوێن شاری فێربوون) ئەمڕۆ بەرواری ٢١-٢-٢٠٢٤ کۆڕی (چۆنێتی بەکارهێنانی پەینەکیماییەکان و زەرەر و زیانەکانی) لە لایەن بەڕێز خوێندکاری دکتۆرا(مسلم سڵێمان محمود) ئەنجامدرا. بە ئامادەبوونی ژماریەک جوتیاری شارۆچکەی پێنجوێن، بەمەبەستی ئاشناکردن و هۆشیارکردنەوەی جوتیارە بەڕێزەکانی شارۆچکەکە تاکو بەدووربن لە زەرەر و زیانەکانی پەینی کیمیایی و هاوکات پاراستنی تەندروستی بەرکارهێنەری بەرووبوومەکانیان و لەهەمانکاتدا پاراستن و گەشەپێدانی ئەو زەویانەی کە کشتوکاڵی تێدادەکرێت.
لەسۆنگەی هەستکردن بە بەرپرسیارێتی و هاوکات بە گشتی کردنی پڕۆگرامی شاری فێربوون بۆ هەموکوردستان و لەسەر بانگهێشتی قائمقامیەتی قەزای بازیان بەڕێز (ئیسماعیل ئەحمەد) قائمقامی بازیان بەرواری ٦-٢-٢٠٢٤ شاندی باڵای دەستەی سەرپەرشتیارانی پڕۆگرامی پێنجوێن شاری فێربوون کە پێکهاتبوون لە بەڕێزان(د.محمدخانی-پ.ی.د.عبدالفتاح هەورامی-زانا رحمان قائمقامی پێنجوێن - هێمن ابراهیم بەڕێوەبەری ناحیەی ناڵپارێز - فەریق حەمەصالح) بەمەبەستی گفتوگۆکردن و داڕشتنی بیرۆکەی شاری فێربوون سەردانی دیوانی قائمقامیەتی قەزای بازیانیان کرد، هاوکات دوابەدوای ئەم سەردانە یەکەم سیمیناری هاوبەش لەلایەن بەڕێز (د.محمدخانی) لەبەرواری ١٠-٢-٢٠٢٤ لە بازیان کۆڕێک پێشکەش کرا لەژێر ناونیشانی (چۆن بازیان بکرێتە شاری فێربوون)...
ئەمڕۆ بەرواری ١٠-٢-٢٠٢٤ (پڕۆگرامی پێنجوێن شاری فێربوون) و (یەکێتی زانایان - ناوچەی پێنجوێن) لە چالاکیەکی هاوبەشدا خولێکی (چوار) ڕۆژەی تایبەت بە بواری دارایی و ئابوری کە بۆ بەڕێز (دکتۆر ئەبوبەکر پێنجوێنی) شارەزا و پسپۆڕی بواری بانک و دارایی ڕێکخراو بوو کۆتایی هات. هاوکات مەراسیمەکە بەئامادەبوونی بەڕێز قائمقامی پێنجوێن و بەرپرسی (یەکێتی زانایان - ناوچەی پێنجوێن) بەڕێوەچوو. 📑لە کۆتاییدا سەرجەم بەشداربووانی خولەکە بڕوانامەی بەشداربوونیان پێبەخشراو و هاوکات 📖📚کتێبی(دەروازەیەک بۆ ئابوری ئیسلامی) لە نوسینی بەڕێز (پرۆفیسۆر دکتۆر علی قەرەداخی) و وەرگێڕانی بەڕێز (دکتۆر ئەبوبەکر پێنجوێنی) لە دوتووێی دوو بەرگدا پێشکەشی بەشداربوان کرا ....
🟠لە درێژەی کاروچالاکییەکانی ئەمڕۆ ٣-٢-٢٠٢٤ سێیەم ڕۆژی خولی (هۆشیاری مامەڵە دارایی و ئابوورییە سەردەمییەکان) بەڕێوەچوو کە لەلایەن (پڕۆگرامی پێنجوێن شاری فێربوون) بە هاوبەشی (یەکێتی زانایان - ناوچەی پێنجوێن) بۆ بەڕێز (دکتۆر ئەبوبەکر پێنجوێنی) شارەزا و پسپۆڕی بواری بانک و دارایی ڕێکخراوبوو...
لە چوارچێوەی کار و چالاکیەکانی پڕۆگرامی پێنجوێن شاری فێربوون ئەمڕۆ بەرواری ١-٢-٢٠٢٤ کۆڕێکی ڕاوێژکاری سازکرا بۆ (ڕۆشنبیران و ڕاگەیاندنکاران و چالاکان و هونەرمەندان) بەمەبەستی دانانی ڕێگایەک بۆ بنیاتنانی بناغەیەک بۆ برەودان و پەرەدان بە سەرجەم بوارەکانی پەروەردە و فێرکردن کە ئامانجی پڕۆگرامەکەیە
لە درێژەی کارو چالاکیەکانی پڕۆگرامی پێنجوێن شاری فێربوون و بەمەبەستی خزمەتکردنی خانمانی شارۆچکەی پێنجوێن ئەمڕۆ بەرواری ١-٢-٢٠٢٤ بەڕێز (د.محمد خانی) سیمینارێکی تایبەت بەخانمانی شارۆچکەکە پێشکەشکرد و تێیدا ڕۆڵ و کاریگەری خانمان لە کۆمەڵگەدا خرایە ڕوو هاوکات داوای پشتیوانی و بەشداری خانمان کرا لە پڕۆگرامی پێنجوێن شاری فێربووندا و بە خۆشحاڵیەوە خانمانی ئامادەبوو زۆر بەدڵسۆزیی و خەمخۆریەوە بڕیاریاندا دەستبار و هاوکاری پڕۆگرامبن و بەشداربن
سازدانی سیمینارێک تایبەت بە فەرمانبەرانی کەرتی گشتی شارۆچکەی پێنجوێن، لەم سیمنینارەدا کە لەلایەن (د.عبدالفتاح حمە رحیم هەورامی)ەوە پێشکەشکرا تیشکخرایە سەر ئەوەی کە پێویستە فەرمابەر سەرەڕای سەختی و ئاڵەنگارییەکانی ژیانی ڕۆژانەی دەبێت هەوڵبدات کەسێکی بەرهەمداربێت و خۆی لە ڕۆتینە خراپ و ڕوخێنەرەکانی ژیان بپارێزێت.
کۆڵنەدان و بەردەوامی مرۆڤ دەگەیەنێتە لوتکە. بەرواری ٣١-١-٢٠٢٤ وەک پشتیوانی و ئاڕاستەکردنی پێزانین لەبەرامبەر ئەنجامدانی کارێکی ناوازە لەلایەن یاریزانێکی خاوەن پێداویستی تایبەت و مامۆستایەکی ڕاهێنەری لەشجوانیەوە، پڕۆگرامی پێنجوێن شاری فێربوون سوپاسی ماندوونەبوون و کۆڵنەدان و بەردەوامی پێشکەش بە بەیاریزان شکار عومەر و ڕاهێنەر ڕێکەوت فازیل کرد لەبەرامبەر سەرکەوتن و بەدەستهێنانی ئاستێکی باڵا لەبواری وەرزشدا کە لــەئێستادا پاڵێوراوە بۆ بەشداریکردن لە پاڵەوانێتی پارائۆڵۆمپی لە ئاستی نێودەوڵەتیدا. پڕۆگرامی پێنجوێن شاری فێربوون پشتیوانی هەموو هەوڵێکە بۆ پێشخستنی کۆمەڵگە.
لەدرێژەی بەسەرکردنەوە ونرخاندنی ڕۆڵی ئەو بەرێزانەی کە لەبوارە جیاجیاکاندا خزمەتی بەرچاو دەکەن، بۆ ئەمجار کۆمەڵێک مامۆستا لەلایەن پڕۆژەی پێنجوێن شاری فێربوون ڕێز وسوپاسیان پێشکەشکرا لەبەرامبەر هەوڵەکانیان لە هاوکاری وپاڵپشتی بەشێک لەقوتابیانی قۆناغی 12. هاوکات نوێنەری قوتابیان وێڕای پێزانین وسوپاس دیاریان پێشکەش بە مامۆستایان کرد ودووپاتیان کردەوە کە ئەم هەڵوێستەیان لەبیرناکەن.
سازدانی سیمینارێک لەلایەن (د.عبدالفتاح هەورامی) تایبەت بە کارمەندانی کەرتی گشتی مەرزی سەرانبەند بەمەبەستی برەودان بە کاری ڕۆژانەی فەرمانبەران لە دامەزراوە حکومیەکاندا...
لەچوارچێوەی کاروچالاکیەکانمان بۆ توێژی گەنجان بە پێویستمان زانی سیمینارێک ڕێک بخەین بۆ گەنجانی بەڕێز و خوێن گەرم و ماتۆڕ سوارەکانی شارۆچکەی پێنجوێن هاوکات سیمینارەکە لەلایەن بەڕێز (د.محمدخانی) و بە سەرپەرشتی ڕاستەوخۆی قائمقامی پێنجوێن ئەنجامدراو و لە سیمینارەکەدا تیشکخرایە سەر ئەو بابەت و ئاریشە و لێکەوتانەی کە لە ئەنجامی بەکارهێنانی ماتۆڕ لەلایەن بەکارهێنەرانی ئەو ئامێرە لە کۆمەڵگەدا دروست دەبن و ڕودەدەن و هاوکات چارەسەری گونجاویشی بۆ خرایە ڕوو ... هەر لە سیمینارەکەشدا بڕیاردرا بەدروستکردنی لیژنەیەک لە گەنجانی ئامادەبوو بۆ سەرپەریشتی کردنی سەرجەم ئەو کەسانەی ماتۆڕ بەکار دەهێنن لە شارۆچکەکەدا بەمەبەستی چارەسەرکردنی کێشە و گرفتەکانیان...
ئەمڕۆ بەرواری ٣١/١/٢٠٢٤ یەکەم سیمینار لەلایەن پڕۆژەی پێنجوێن شاری فێربوون لە ناحیەی ناوپارێز ئەنجامدرا وەک دەستپێکی کاری پەروەردە و فێرکردن لەو ناحیەیە و گوندەکانی دەورووبەری، کە لە لایەن هەریەکە لە بەڕێزان (د.محمدخانی و د.عبدالفتاح هەورامی) و بە ئامادەبوونی بەڕێزان زانا ڕحمان قائمقامی پێنجوێن و هێمن ابرهیم بەڕێوەبەری ناحیەکە و بەرپرس و نوێنەری فەرمانگە حکومیەکان و کەسایەتی و فەرمانبەر و دانیشتوانی ناوچەکە بەسەرکەوتوویی ئەنجامدرا، ئێمەش لای خۆمانەوە وەک ستافی پڕۆژە سوپاس و پێزانینی خۆمان ئاڕاستەی سەرجەم بەرپرسان و ئامادەبوانی سیمینار و بەتایبەتی بەڕێوەبەری ناحیەی ناوپارێز دەکەین کە زۆر بە دڵگەرمی و دڵسۆزانەوە هاوکاری و پشتیوانی خۆیان بۆ پڕۆژەکە دەربڕی. لە کۆتایشدا بڕیاردرا ئەم سیمینارە سەرەتایەک بێت بۆ ئەنجامدانی کۆڕ و سیمینار و چالاکی پەروەردەیی و تەندروستی و ژینگەیی و هتد ... لە ئایندەدا.
٢٠-١-٢٠٢٤ (یەکەم ڕۆژی ) 📢خولی (هۆشیاری مامەڵە دارایی و ئابوورییە سەردەمییەکان) 🟠(پڕۆژەی پێنجوێن شاری فێربوون) بە هاوبەشی (یەکێتی زانایان - ناوچەی پێنجوێن) هەڵساین بە کردنەوەی خولێکی (چوار) ڕۆژەی تایبەت بە بواری دارایی بۆ بەڕێز (دکتۆر ئەبوبەکر پێنجوێنی) شارەزا و پسپۆڕی بواری بانک و دارایی ... د.ابوبکر پێنجوێنی
بەدروشمی (ساڵی یەکخستنی تواناکان) یەکەم چالاکی گرنگمان لە ساڵی (٢٠٢٤)دا ئەنجامدا. لە چوارچێوەی (پڕۆژەی پێنجوێن شاری فێربوون) و بەسەرپەرشتی (قائمقامیەتی قەزای پێنجوێن) ئەمڕۆ ڕێکەوتی (١٠-١-٢٠٢٤) ئەندامانی دەستەی سەرپەرشتیارانی پڕۆژە وەک دەسپێکی کار لە ساڵی نوێدا سەردانی هەریەکە لە ناحیەکانی (ناڵپارێز و گەرمک) کران بەمەبەستی ڕونکردنەوەوی دید و پەیامی پڕۆژەکەمان و دروستکردنی هەماهەنگی و پەیوەندی لەنێوان یەکەی ئیداری و فەرمانگەکەنی ئەوناوچانە و هاوکات فراوانکردنی مەودای کاری پڕۆژەکەمان بۆ ساڵی (٢٠٢٤).. بەسوپاسەوە سەرپەرشتیارانی یەکە ئیدارییەکانی ئەو ناوچانە بەوپەری دڵسۆزیەوە بەڵێنی هاوکاری و پشتیوانیان بۆ پڕۆژەکە ڕاگەیاند و بڕیاریاندا بەشدابن لەپڕۆژە کەماندا ...
