الأنشطة

پێنجوێن شاری فێربوون ٨-١١-٢٠٢٥ - لە هەنگاوێکی نوێدا بۆ پەروەردەیەکی بەردەوام و ژینگەپارێز، پڕۆگرامی پێنجوێن شاری فێربوون دەستی هاوبەشی بەرفراوان درێژکرد بۆ کۆمەڵگەی پەروەردەی کوردی ئەمریکی (KAFS)، لە چوارچێوەی دەستپێشخەرییەکی تایبەتدا کە ئامانجی پەرەپێدانی پەروەردەی کشتوکاڵی و ژینگەدۆستی لە ماڵەوە بۆ قوتابخانە. ئەم هەوڵەدا تیشک خراوەتە سەر گرنگی پەروەردەی ژینگەیی و چۆنیەتی گەیاندنی بیرۆکەی بەرپرسیارێتی سەبارەت بە سروشت بۆ نەوەی داهاتوو. کە بە ڕێباز و شێوازێکی زانستی دروست و ژینگەدۆستی و ژیاندۆستی جێبەجێدەکرێت، وەک پردێک دەبێت بۆ بەستنەوەی فێربوون بە ژیانی ڕۆژانە. پڕۆگرامی پێنجوێن، بە پشتگیری و پشتیوانی تەواوی خۆیەوە، ڕێگە بۆ ئەم دەستپێشخەرییە خۆبەخشییانە خۆش دەکات. لە کۆتایی کۆبوونەوە فەرمییەکەدا، لایەنەکان بەڵێنیان دا کە پڕۆژەی پەروەردەی ژینگەیی، بە هاوکاری و هاوبەشی هەردوو لایەن، لە قۆناغی کوفتارەوە بچێتە بواری جێبەجێکردنی ڕاستەقینە.

بەئامادەبوونی بەڕێزان قایمقامی قەزای پێنجوین، بەڕێوەبەری پەروەردەی پێنجوین، و ژمارەیەک لە سەرپەرشتیاران و بەرپرسان وخۆبەخشانی پڕۆگرامی پێنجوین شاری فێربوون پێشوازی کرا لە وەفدێکی وەزارەتی خوێندنی باڵا و توێژینەوەی زانستی حکومەتی عێراقی فیدراڵ . وەفدەکە بەسەرپەرشتی دکتۆر علی کامل لە فەرمانگەی نێردەری پەیوەندییە کلتورییەکان و بە هاوڕێیەتی دکتۆر عەدنان و دکتۆرە زەینەب . لە دانیشتنێکی ڕاوێژکاریدا کە لەگەڵ تیمی پڕۆگرام و خۆبەخشەکان دا ئەنجامدرا، تیایدا گفتوگۆ لەسەر گرنگترین چالاکیی و بۆنەکان کرا کە لە چوارچێوەی پڕۆگرامەکەدا جێبەجێکراون، کە ڕۆڵیان لە بەهێزکردنی پەروەردە و گەشەپێدانی ناوخۆییدا هەبووە. لە کۆتایی دیدارەکەدا، وەفدی میوان سوپاس و پێزانینی خۆیان دەربڕی بۆ ئەو هەوڵانەی کە لەلایەن بەرپرسانی پڕۆگرامەکەوە دەدرێت، بەهۆی ئەو دەستکەوتە تایبەتانەی کە بەدەستهاتوون ، بەشدار دەبن لە گەشەپێدانی بواری مرۆیی و پەروەردە لە قەزای پێنجوێن. هەروەک وەفدی وەزارەت جەختیان کردەوە لەسەر گرنگی گشتگیرکردنی ئەم ئەزموون ونمونەیە لە ناوچەکانی تر لە هەرێمی کوردستان و لە عێراق. پاشان بە سەردانێکی فەرمیی قائمقامییەتی پێنجوێن، کۆتایی بە سەردانی وەفدەکە بۆ شارۆچکەی پێنجوێن هات. سوپاسی تایبەت بۆ هەموو ئەوانەی بەشدار دەبن لەپێشخستنی پێنجوین تاببێت بە نموونەیەکی شایانی خوازراو لە پەروەردە و گەشەپێدان!

پڕۆگرامی پێنجوێن شاری فێربوون لەگەڵ سەنتەری ڕاوێژکاری کۆچی پارێزگای سلێمانی، وۆرک شۆپێکی تایبەتیان بۆ ئامادەکردنی سیڤی و ڕێنوێنی کار سازکرد. ئەم وۆرک شۆپە بەمەبەستی کەمکردنەوەی کۆچی نایاسایی و یارمەتیدانی هاوڵاتیان بۆ دۆزینەوەی دەرفەتەکانی کار ئەنجام درا.ئەم وۆرک شۆپەکە ڕۆژی سێشەممە ڕێکەوتی ٢٢/٧/٢٠٢٥ لە کاتژمێر ٢ی پاشنیوەڕۆ لە کتێبخانەی گشتی پێنجوێن پێشکەشکرا. ماوەی وۆرک شۆپەکە ٢-٣ کاتژمێر بێ بەرامبەر بوو.بەشداربووان فێری نووسینی سیڤی پیشەیی، تەکنیکەکانی گەڕان بەدوای کار، ئامۆژگاری دەربارەی دەرفەتەکانی کار لەناوەوە و دەرەوەی وڵات، و شارەزایی چاوپێکەوتن دەکران. وۆرک شۆپەکە لەلایەن ڕاهێنەران محمد بەهجەتسەعید و ناز زیرەک عادل پێشکەش کراوە. link

سیمینارێکی گرنگ و بەسود بۆ مامۆستاکانی قوتابخانەی گەرمکی بنەڕەتی کە لەلایەن بەڕێز(مامۆستا ئومێد عمر اسماعیل)کە ئەندامی بۆردی باڵای پڕۆگرامی پێنجوێن شاری فێربوونە ئەنجامدرا کە تیایدا باس لە تایبەتمەندیەکانی پلان دانان و قۆناغەکانی چۆنیەتی پلاندانان و جێبەجێکردنی کارایی و باشتر کردنی سەرچاوەکان بڕیاردان و جێبەجێ کردنی،گرفت و کەموکوڕییەکانی پلاندانان باس کرا. لە کۆتایشدا لەلایەن بەڕێوەبەری قوتابخانەی گەرمکی بنەڕەتی سوپاس و پێزانین بەخشرایە پڕۆگرامی پێنجوێن شاری فێربوون زۆر سوپاس بۆ مامۆستایانی قوتابخانەی گەرمکی بنەڕەتی و بەڕێوەبەر مامۆستا (ئازاد محمد ) کە زۆر هاوکارمان بوون لە بەڕێوەبردنی سیمینارەکە..

پڕۆگرامی پێنجوێن شاری فێربوون و ڕێکخراوی ملەکەوە بۆ پاراستنی ژینگە، لە کۆبوونەوەیەکی هاوبەشدا گرنگی پەیوەندی نزیک و هاوکاریی زیاتریان بۆ خزمەتکردنی ژینگە جەختکردەوە. لەم کۆبوونەوەیەدا بەڕێوەبەرانی هەردوو لایەن گفتوگۆیان لەسەر چەندین پڕۆژەی هاوبەشی ژینگەپارێزی کرد، بە مەبەستی: بەهێزکردنی هاوکاریی نێوان دوو دامەزراوە پەرەپێدانی چالاکیی هاوبەش بۆ پاراستنی ژینگە هەڵسەنگاندنی دەرفەتەکانی هاوکاری لە داهاتوودا بەشداربووان گەیشتنە ڕێکەوتن بۆ دارشتنی پلانێکی هاوبەش بۆ چالاکییەکانی داهاتوو

بەمەبەستی باسکردن لە چۆنیەتی دروستکردنی تیم و کارکردن بە تیم جیاکردنەوەی بوارەکان و باسکردن لە کارکردن لەگەڵیان و گۆڕینەوەی بیروڕاکان ئەمڕۆ لە لایەن بۆردی باڵای پڕۆگرامەوە کۆبوونەوەیەکی گشتگیر لەگەڵ تیمە خۆبەخشە جیاجیاکان ئەنجامدرا،کە لە ئایندەیەکی نزیکدا دەست دەکرێت بە کارکردن لەسەری.

واژووکردنی یاداشتنامەی لێکتێگەیشتن لە نێوان پێنجوین شاری فێربوون و ڕێکخراوی خەڵك بۆ گەشەپێدان(PDO) لە پێنجوێن. وەک دەستپێک ڕێکخراوی خەڵک بۆ گەشەپێدان بەشێک لە چالاکییەکانی لە چوارچێوەی پرۆژەیی (ژن و ئاشتی) بردۆتە ئەم قەزا جوانە بە ئامانجی ئەنجامدانی چالاکی زیاتر و کاری پێکەوەی لە پێنجوێن بۆ گەشەپێدان توانا و لێهاتووی ژنان.

(دەرمانێکی کاریگەر بۆ دەردێکی درێژخایەن). ئەمڕۆ ڕێکەوتی ٢٥-١-٢٠٢٥ لە پێنجوێن - سیمینارێکی گرنگ و پەروەردەیی سەبارەت بە دەرمانی کاردواخستن بەڕێوەچوو، کە تیایدا (گەشتیار غەریب)، کە خاوەنی چەندین نوسین و کتێبی وەڕگێردراوی بواری مامەڵە و بزنسە لە سێکتەرە جیاجیاکانی ژیاندا، باسی دەرمانی کاردواخستنی لە بوارە پەروەردەیی و بزنسییەکان کرد. بەشداربووان زانیاری بەسوودیان لەسەر ئەم بابەتە گرنگە وەرگرت. لە سیمینارەکەدا چەمکەکانی دواخستن و کاریگەرییەکانی لە بوارەکانی پەروەردە و بزنسدا شیکرانەوە. بەشداربووان دەرفەتی ئەوەیان بوو پرسیار بکەن و زانیاری زیاتر وەربگرن. کاری ئەمڕۆ مەسپێرە بە سبەی ... (دەرمانێکی گرنگە بۆ دەردێکی درێژخایەن). ئەم چالاکییە بەشێک بوو لە هەوڵەکانی پەرەپێدانی زانست و ئەزموون لە بوارەکانی پەروەردە و بزنسدا. لە کۆتاییدا سوپاس و پێزانین ئاڕاستەی بەڕێز گەشتیار غەریب و زێوەر غەریب کرا کە خاوەنی بزنسێکی گرنگ و سەردەمیین بەناوی (کارسازی شادمان)، کە لەبواری ڕاوێژ و پەرەپێدانی بزنسدا کاردەکەن.

زیرەکی سۆزداری و کاریگەریەکانی لەبواری بەڕێوەبردندا.. لە کاتێکدا زۆربەی بەڕێوەبەران و کارمەندان گرنگی بە لێهاتوویی تەکنیکی دەدەن، دوو کەسایەتی دیاری بواری دەروونناسی و کارگێڕی، پ.ی.د. محمدی خانی و پ.ی.د. عبدالفتاح هەورامی، لە سیمینارێکی تایبەتدا پەردەیان لەسەر نهێنی سەرکەوتنێکی گەورەتر لادا - زیرەکی سۆزداری. لەم سیمینارە دەوڵەمەندەدا، کە وەک پردێک وابوو لە نێوان زانست و هونەری بەڕێوەبردندا، بەشداربووان فێری ئەوە بوون چۆن هەستەکانیان بەشێوەیەکی کاریگەر بەکاربهێنن بۆ بەرزکردنەوەی ئاستی کارایی و داهێنان لە ژینگەی کارکردندا." تێبینی : سوپاسی بێ پایان بۆ بەڕێوەبەرایەتی پەروەردەی پێنجوێن کە هەمیشە هاوکار و هەماهەنگ بوون و هەمووکات بەدەم خزمەتی زیاتری کەرتی پەروەردەوەبوون هاوکاتیش پاڵپشتیەکی گەورە و کاریگەری پڕۆژەی پێنجوێن شاری فێربوونن.

لەچوارچێوەی کار و چالاکیە بەردەوامەکانی (پڕۆژەی پێنجوێن شاری فێربوون) دوو سیمیناری ساز کرد بۆ بەڕێز (پ.ی.د. عبدالفتاح حمە رحیم هەورامی)بەناو نیشانەکانی ١- سیمیناری یەکەم (لێهاتووییەکانی خوێندکارانی بەشە پزیشکیەکان لە سەدەی ٢١ دا: هەلی بەدەستهێنانی کار لە داهاتوودا). ٢- سیمیناری دووەم (زیرەکی سۆزداری و نهێنی سەرکەوتن لە کەرتی تەندروستیدا)

بە سەرکەوتوویی سیمینارێکی گرنگ لە بواری کارگێڕی بە ناوی "نهێنی سەرکەوتن لە کاروباری کارگێڕیدا" بەڕێوەچوو، کە لە بەرواری ٢١-٨-٢٠٢٤ لەلایەن پڕۆفیسۆری یاریدەدەر دکتۆر عبدالفتاح هەورامی پێشکەشکرا. لەم سیمینارە زانستییەدا، پێشکەشکار تیشکی خستە سەر گرنگی لایەنی سۆزداری لە بواری کارگێڕی و بەڕێوەبردندا و چۆنیەتی کاریگەری ئەم لایەنە لەسەر کاری فەرمانبەران. دکتۆر هەورامی باسی لەوە کرد کە هوش سۆزداری و تێگەیشتن لە هەستی کەسانی دیکە دەبێتە هۆی بەرزبوونەوەی ئاستی بەرهەمهێنان و سەرکەوتن لە شوێنی کاردا. بەشداربووان، سوودیان لە ناوەڕۆکی سیمینارەکە وەرگرت و چەندین پرسیار و تێبینیان پێشکەشکرد لەسەر چۆنیەتی پەرەپێدانی تواناکانیان لە ڕووی مامەڵەکردن لەگەڵ هاوکاران و چارەسەرکردنی کێشە کارگێڕیەکان. جێی باسە کە ئەم جۆرە سیمینارانە ڕۆڵێکی گرنگ دەبینن لە پەرەپێدانی کارامەییەکانی فەرمانبەران و بەڕێوەبەران و یارمەتیدەرن بۆ دروستکردنی ژینگەیەکی کاری تەندروست و بەرهەمدار لە دامەزراوەکاندا.

سازدانی سیمینارێک تایبەت بە فەرمانبەرانی کەرتی گشتی شارۆچکەی پێنجوێن، لەم سیمنینارەدا کە لەلایەن (د.عبدالفتاح حمە رحیم هەورامی)ەوە پێشکەشکرا تیشکخرایە سەر ئەوەی کە پێویستە فەرمابەر سەرەڕای سەختی و ئاڵەنگارییەکانی ژیانی ڕۆژانەی دەبێت هەوڵبدات کەسێکی بەرهەمداربێت و خۆی لە ڕۆتینە خراپ و ڕوخێنەرەکانی ژیان بپارێزێت.

سازدانی سیمینارێک لەلایەن (د.عبدالفتاح هەورامی) تایبەت بە کارمەندانی کەرتی گشتی مەرزی سەرانبەند بەمەبەستی برەودان بە کاری ڕۆژانەی فەرمانبەران لە دامەزراوە حکومیەکاندا...

ئەمرۆ ڕێکەوتی ٤-١٢-٢٠٢٣ پڕۆگرامی پێنجوێن شاری فێربوون بە شانازیەوە میوانداری نوێنەرانی گوندی گامێش تەپە ی شارەزوری کرد ئەرکیان کێشا بوو سەردانی پێنجوێنیان کرد کە بە مەبەستی زیاتر ئاشنا بوون و کۆبونەوە لەگەڵ سەرپەرشتیاران و ئەندامانی پڕۆگرامی پێنجوێن شاری فێربوون و هاوکات دروست کردنی هەماهەنگی و پەیوەندی لەگڵ پڕژەکەدا، مایەی خۆشحاڵییە لەلایەن سەرپەرشتیارانی پێنجوێن شاری فێربوونەوە بڕیار دار گوندی گامێش تەپە بەشێک بێت لە پڕۆگرامی پێنجوێن شاری فێربوون، بەپێویستی دەزانین بەناوی سەرپەرشتیارانی پڕۆگرامەوە سوپاسێکی بێپایان ئاڕاستەی نوێنەرانی ئامادەبوی گوندی گامێشتەپە بکەین کە بە هاوڕێیەتی بەڕێز (هاوڕێ نزار حمە) ئەرکیان کێشابوو هاتبوون بۆ شارۆچکەی پێنجوێن و دەستی ماندوو نەبونیان دەگوشین.

ئەمڕۆش لەدرێژەی هەڵمەتی نەمام ناشتن و پاک ڕاگرتنی ژینگەی گوندەکەیان وەک بەشێک لە پڕۆگرامی (پێنجوێن شاری فێربوون) بۆ ڕۆژی دووەم دەستکرا بە پاککردنەوە و دانانی ئاوەڕۆ و شۆردنی کۆڵانەکانی ناو گوندی گامێشتەپە و و پاککردنەوەی ڕێگای سەرەکی گوندەکە،زۆر سوپاس و دەستخۆشیمان …