چالاکییەکان

لەدرێژەی کارەکانی هەڵمەتی یەک هەفتەیی بۆ پاک ڕاگرتنی ژینگە و خزمەتی گشتی لەمیانی پڕۆگرامی گەورەی (پێنجوێن شاری فێربوون )لە گوندی گامێشتەپە ئەمڕۆ بەکارێکی هەرەوەزی توانرا سەرجەم چاڵ و تاسەکانی ڕێگای سەرەکی گوندەکەیان چاکبکرێت،زۆر سوپاس و دەستخۆشیمان بۆ کاک (نازم علی )کە تێچووی کارەکەی لەئەستۆگرت چیمەنتۆ و چەو و لمی بۆ دابینکردبوون،وەزۆر سوپاس بۆ پیاوی چاکەخوازی گوندەکە (لالە حسین)کە مەکینەکەی خستە خزمەت کارەکەوە،زۆرسوپاسی هاوکاری و بەدەمەوەهاتنی ئەو گەنجە ئازیزانەی گوندەکە دەکەین کە ماندووبوون و کارەکەیان ڕاپەڕاند،ئەم هەڵمەتە بۆ ڕۆژانی داهاتوو بەردەوامە بۆ پاککردنەوەی ژینگەی گوندەکە و جوانتر کردنی سروشتی ئاوایی بۆ خزمەت و چاکەی گشتی.

سازکردنی سیمینارێک بۆ بەڕێز (د.محمدخانی) تایبەت بە بنکەی پێنجوێن بۆ فێرکردن و لەبەرکردنی قورئانی پیرۆز بە ناونیشانی: (بەرەکەت لە کارکردن و پەروەردەکردندا). بەناوی پڕۆژەی پێنجوێن شاری فێربونەوە زۆر سوپاسی بنکەی پێنجوێن بۆ فێرکردن و لەبەرکردنی قورئانی پیرۆز دەکەین کە بڕوانامەی پێزانین و ڕێزلێنانیان لەلایەن بنکەکەیانەوە بەخشیە بەڕێز دکتۆر محمدخانی و پڕۆژەی پێنجوێن شاری فێربوون.

وەرزش و پەروەردە هاوتای یەک دەکرێت ببنە هۆکارێک بۆ گەشە و پێشکەوتنی کۆمەڵگا، لەم ڕوانگەیەوە بە نوێنەرایەتی پڕۆگرامی (پێنجوێن شاری فێربوون) و لەلایەن بەڕێز د.محمدخانی و زانا ڕحمان قائمقامی شارۆچکەی پێنجوێن خەڵاتی ڕێزلێنانیان پێشکەش بە بەڕێز (ڕێبەند کریم) و ڕێکخراوی نینجا لە کوردستان کرد،لە بەرانبەر هەوڵ و تێکۆشانەکانیان لە پاراستن و سەوزکردنی ژینگەی شاری پێنجوێن هەروەها هەوڵەکانیان لە بواری وەرزشـــی نـــێـــنــجـــا لـــە کـــوردســـتـــان ئـــێـــمـــە لـــە پڕۆگرامی پێنجوێن شاری فێربوون ڕێز دەگرین لەو کەسانەی کە دەستیان لە باڵابوونی تاکی کۆمەڵگادا هەیە...

ئەمڕۆ بەرواری ١٦/١١/٢٠٢٣ دەستەیەک لە سەرپەرشتیارانی پڕۆگرامەکەمان بەسەرپەرشتی بەڕێز د.محمدخانی ئەندامی بۆردی باڵای پڕۆگرام سەردانی گوندی گامێش تەپەیان کرد، بەمەبەستی ڕێزلێنان لە ئەنجومەنی گوندەکە. گوندێک لەهەناوی ناڕەحەتییەکانی ژیاندا هەوڵ دەدات جوان بێت و نەوەکانی پەروەردە بکات و ببێتە لقێکی ناوازەی پڕۆگرامی پێنجوێن شاری فێربوون..

بۆ شارێکی باشتر.. لەئێستامان ناڕازین.. پێنجوێن - کتێبخانەی گشتی پێنجوێن لەچوارچێوەی کاروچالاکیەکانی پڕۆگرامی (پێنجوێن شاری فێربوون) د. محمدخانی بەئامادەبوونی زانا ڕحمان قائمقامی پێنجوێن لەگەڵ ژمارەیەک لە ئەندامانی دەستەی (ڕێخەرانی خۆپیشاندان و ناڕازی) شارۆچکەی پێنجوێن لەگفتوگۆیەکی کراوەدا ، تیشکخرایە سەر هەوڵەکان بۆ پێشکەشکردنی خزمەتێکی شایستە بە هاوڵاتیانی شارۆچکەی پێنجوێن...

سازکردنی سیمیناری تایبەت بە ئابوری و بازار لە لایەن (د. محمد خانی)ەوە بۆ ژمارەیەک لە کاسبکارانی شارۆچکەی پێنجوێن بەمەبەستی پێشخستن و پەروەپێشبردنی ئەو کەرتە گرنگەی کۆمەڵگا...

لە پرۆژەی پێنجوێن شاری فێربونەوە سوپاس وپێزانین بۆ بەڕێزان : یاریزانانی یانەی وەرزشی موای تای پێنجوێن (ئاکۆ بەهادین حەمە ئەمین و زیاد ئیبراهیم حمە سعید) لەبەرامبەر بە دەستهێنانی پلە و ئاستی باڵا لەئاستی نێودەوڵەتی و هەرێمایەتی لە پاڵەوانێتی موای تای، سەربەرزین بە سەرکەوتنیان ...

پڕۆگرامی پێنجوێن شاری فێربوون بە هاوبەشی لەگەڵ ئەکادیمیای ئامۆژگاری نوسینگەی پێنجوێن کۆڕێکیان بۆ دکتۆر محێدین محمدخانی ڕێکخست لە ژێر ناونیشانی (پەروەردی مرۆڤ)..

ئێوارەی ئەمڕۆ ١-١٠-٢٠٢٣ دەستەیەک لە سەرپەرشتیارانی پڕۆگرام (پێنجوێن شاری فێربوون) سەردانی (تەکیە و مەدرەسەی شێخ حسین شێخ کاکە حەمەی کەسنەزانی) یان کرد و لەنزیکەوە گفتوگۆیان کرد لەگەڵ مورشیدی تەریقەتەکە بەڕێز ( شێخ باباطاهر شێخ حسین کەسنەزانی) و هەندێک لە موریدەکانی، بەمەبەستی هاوکاری و دروستکردنی پردی پەیوەندی لەنێوان تەکییە و پەیڕەوانیدا لە پڕۆژەی (پێنجوێن شاری فێربوون)دا،

پڕۆگرامەکەمان بەپێویستی دەزانێت بۆ برەودان بە بواری پەرەوەردە و فێرکردن و پێشخستنی کۆمەڵگا، بەشێوازێکی مەیدانی بۆ پێشکەشکردنی کۆڕ و سیمینارە تایبەتەکانمان بچینە خزمەتی سەرجەم چین و توێژەکانی کۆمەڵگا بەبێ جیاوازی، لەم سۆنگەیەوە وەک یەکەم کۆڕی مەیدانی بەگرنگمان زانی بچینە خزمەتی بەشێک لە مامۆستایانی ئایینی سنوری قەزای پێنجوێن لە (حوجرەی گەیلانی) و هەرلە خزمەتی ئامادەبوانی بەڕێزدا بەڕێز (د.محمد خانی) چەند وتەیەکی بەنرخی پێشکەش کرد کە تێیدا ڕۆڵ و گرنگی ئاین و مامۆستیانی ئایینی و تێڕوانییان سەبارەت بە پڕسەگرنگەکانی ڕۆژ خستە ڕوو ...

ئەمڕۆ بەرواری 13\9\2023 سیمینارێک ڕێکخرا بۆ سەرجەم گروپە وەرزشیە جیاجیاکانی شارۆچکەی پێنجوێن کە لەلایەن و بەڕێز (د.محمد خانی) سەرپەرشتیاری پڕۆژەکە سیمینارێکی تایبەتی پێشکەشی ئامادەبوان کرد و تێیدا ڕۆڵ و کاریگەری وەرزشی لە کۆمەڵگادا خستەروو هاوکات ڕۆڵ و هەوڵی ئامادەبوانی لە کۆمەڵگادا بەرز نرخاند...

دەستەی باڵای پڕۆگرامی (پێنجوێن شاری فێربوون) سەردانی بەڕێوەبەرێتی پەروەردەی پێنجوێن دەکات.. ئەمڕۆ بەرواری 12/9/2023 بەمەبەستی دەربڕینی دەست خۆشی و سوپاس گوزاری بەڕێوەبەرێتی پەروەردەی پێنجوێن، هەریەک لە بەڕێزان بەڕێوەبەر و سەرپەرستیارانی پڕۆگرامی (پێنجوێن شاری فێربوون) سەردانی بەڕێوەبەرێتی پەروەردەی پێنجوێنیان کرد، تاوەکو لەنزیکەوە سوپاسی بەڕێوەبەری پەروەردە و فەرمانبەر و سەرپەرشتیار و مامۆستایانی سنوری پەروەردەی پێنجوێن بکەن، بۆ ئەو بەدەمەوە هاتن و هەماهەنگی و پشتیوانیە دڵسۆزانەیەیان کە بۆ پڕۆژەکەمان هەیانبووە لە ماوەی ڕابردودا، لای خۆشیانەکە بە سوپاسەوە لایەنی سەردانیکراو سەرەتا سوپاسی دەستەی سەرپەرشتیارانیان کرد بۆ هەڵبژاردنی شارۆچکەی پێنجوێن بەمەبەستی خزمەتکردنی پڕۆژەکەمان تێدا، هاوکات بڕیاری هاوکاری و هەماهەنگی و پشتیوانی خۆیان دوپاتکردەوە بۆ پڕۆگرامی (پێنجوێن شاری فێربوون). لە کۆتایدا هەردولا بڕیاری گەشەپێدان و هاوکاری و پشتیوانی زیاتریان لەبواری پەروەردەدا دا، بەمەبەستی بەرەوپێشبردنی کەرتی پەروەردە لەسنورەکەدا..

وەک ڕوون و ئاشکرایە کتێبخانە وەک پایەیەکی سەرەکی گرنگی کۆمەڵگا دادەنرێت لە بوارەکانی پەروەردە و فێرکردن، بەوهۆیەوە ئێمە لە پڕۆگرام (پێنجوێن شاری فێربوون) بە پێویستمان زانی وەک سەرجەم چین و توێژە گرنگەکانی شارۆچکەی پێنجوێن بەڕێوەبەر و کارمەندانی دڵسۆزی کتێبخانەی پێنجوێن بەشداری پێبکەین لەم پڕۆژە گرنگ و پڕبایەخەدا، بەسوپاسەوە سەرجەم کارمەندان ڕەزامەنی هاوکاری و پشگیری پڕۆژەکەیان ڕاگەیاند، ئێمەش وەک ستافی پڕۆژەی (پێنجوێن شاری فێربوون) سوپاس و دەستۆشی ئاڕاستەی هەڵوێستی ئەم کارمەندە دڵسۆزانە دەکەین و هیوای سەرکەوتنیان بۆ دەخوازین.

وەک ئاشکرایە ڕۆلی مامۆستایانی ئایینی لە کۆمەڵگادا زۆر گرنگ و کاریگەرە و هۆکاری ئاشتی کۆمەڵایەتی و پارێزەری سەرجەم بەها باڵاکانی کۆمەڵگان، لەمڕوانگەیەوە ئێمە وەک پڕۆگرامی (پێنجوێن شاری فێربوون) بە پێویستمان زانی هاوشێوەی سەرجەم چین و توێژەکانی تری شارۆچکەی پێنجوێن داوای بەهاناوە هاتن و بەشداریکردن لە مامۆستایانی ئایینی بکەین تاکو ببنە پایەیەکی گرنگی ئەم پڕۆژەیە،لەپاش پێشکەشکردنی سیمینارێک لەلایەن بەڕێز (د.محێدین محمد خانی)ەوە بۆ مامۆستایانی ئایینی سنوری شارۆچکەی پێنجوێن و ڕونکردنەوەی ئامانج و هۆکاری دروستبونی پڕۆژەی (پێنجوێن شاری فێربوون) بۆ ئامادەبوان ، بە خۆش حاڵیەوە و زۆر بە گرنگی و پڕ بایەخەوە مامۆستایانی ئایینی بڕیاری بەشداریکردن و پشتیوانیکردنی پڕۆژەکەیاندا، بەڵێنیاندا ئەم پڕۆژەیە بکەنە هەنگاوێک کە سەرتای خاڵی وەرچەرخانی گەشەپێدانی پەروەردە و فێرکردنبێت لە ناوچەکەدا.

لە بەرواری 19/7/2023 لەکۆبونەوەیەکدا کە تێیدا سەرپەرستیارانی پڕۆگرام و لێپرسروای کتێبخانەی گشتی پێنجوێن ئامادەی بوون گفتوگۆکرا لەسەر ئەوەی چۆن (خوێندنەوە بکرێتە کەلتور) لە سنوری پێنجوێن لە ڕێگەی خوێندنگەکەکانەوە لە چوارچێوەی پڕۆگرامی (پێنجوێن شاری فێربوون)، لای خۆشیەوە بەڕێز (یادگار أحمد) لێپرسروای کتێبخانەی گشتی پێنجوێن بەڵێنی پشتیوانی تەواوی بۆ پڕۆژەکە دەربڕی بڕیاریدا بەوپەڕی تونایان هاوکار و پشتیوانی پڕۆژەکە بکەن.