بەرواری ٣٠-٤-٢٠٢٤ لە چوارچێوەی کاروچالاکییەکانی پڕۆگرامی پێنجوێن شاری فێربوون و بەسەرپەرشتی بەڕێز مامۆستا (هیوا محمد ڕۆستم) سەرپەرشتیاری هەڵمەتی بەکلتوری کردنی خوێندنەوە، سیمینارێکی تایبەت بە خوێندنەوەی کتێب بۆ ژمارەیەک خانمی شارۆچکەی پێنجوێن بەڕێوەچوو. لە سیمینارەکەدا ئاماژە بەوەدرا پێویستە خانمان بەبەردەوامی خوێندنەوە بکەن بە بەشێک کاری ڕۆژانەیان و هەوڵبدەن خوێندنەوە بکەنە کلتور لە ژیانیاندا، هاوکات لەلایەن پڕۆگرامی پێنجوێن شاری فێربوونەوە کتێب دابیندەکرێت بۆ بەشداربوان و خوێنەران، هەر لە سیمینارەکەدا بەمەبەستی سود گەیاندن بە ئامادەبوان هەریەک لە بەڕێزان (ڕەیان ڕەوف و ئەوین سامان) هەریەکەیان وتەیەکی کورتیان سەبارەت بەو کتێبەی خوێندبویانەوە لەم هەڵمەتەدا پێشکەشی ئامادبوانکرد.