هەڵمەتی سەوزکردنی پێنجوێن بەردەوامە ...

لە چوارچێوەی چالاکیەکانی پڕۆگرامی پێنجوێن شاری فێربوون ئەمڕۆ بەرواری ١٧-٣-٢٠٢٤ لە هەڵمەتێکدا بڕی (٦٠٠) نەمامی تو کە لەلایەن پڕۆگرامی پێنجوێن شاری فێربوونەوە دابینکرابوو، لەسەر ڕێگەی گوندی مەسۆ و هەڵاڵاوا لە لایەن گروپی نەمام و چەندین کەسایەتی خۆبەخشی ناوچەکە و دانیشتوانی گوندەکانی مەسۆ و هەڵاڵاوا ڕوێنران، شیاوی باسە تاکو ئێستا لە قەزای پێنجوێن بڕی زیاتر لە ٣٠٠٠٠ سی هەزار نەمام بە چەند هەڵمەتێک و لەماوەی نزیکەی چوار ساڵدا ڕوێنراوە ... هەر لێرەشەوە ڕای دەگەیەنین کە ئەم هەڵمەتە بەردەوام دەبێت و وەک مژدانەیەکیش بۆ دانیشتوانی قەزای پێنجوێن ڕایدەگەیەنین کە ان شاء اللە لە ئایندەدا هەزاران نەمامی دیکە لەدرێژەی چالاکیەکانماندا دەڕوێنین، بەمەبەستی زیاتر سەوز کردن و خزمەتکردنی ژینگەی ناوچەکەمان... سوپاس بۆ گروپی نەمام و ڕێکخراوی ملەکەوە و سەرجەم بەشداربووانی ئەم کارە پیرۆزانە...