دەستەی سیروانی ژیار بۆ پەروەردە و گەشەپێدانی مرۆیی سەردانێکی پڕۆگرامی پێنجوێن شاری فێربووندەکەن.
چالاکیی گشتیی
٢٥ ئاب ٢٠٢٥
|
پێنجوێن - کتێبخانەی گشتی
٢٥-٨-٢٠٢٥
لە هەنگاوێکی گرنگدا بۆ بەرەوپێشبردنی کوالێتی خوێندن، دەستەی سیروانی ژیار بۆ پەروەردە و گەشەپێدانی مرۆیی سەردانێکی فەرمی بۆ پڕۆگرامی پێنجوێن شاری فێربوونی ئەنجامدا.
ئەم سەردانە بە مەبەستی لە نزیکەوە ناسینی پڕۆگرامی پێنجوێن شاری فێربوون و کاروچالاکییەکان و پرۆژەکانی ئەم پڕۆگرامە گرنگە ئەنجام درا.
ئەندامانی تیمی دەستەی سیروانی ژیار بۆ پەروەردە و گەشەپێدانی مرۆیی لە ماوەی ئەم سەردانەدا، دەرفەتیان هەبوو بۆ بەردەوام بوونی گفتوگۆ لەگەڵ بەرپرسانی پڕۆگرامەکە و ئاگاداربوون لە دەستکەوت و پێداویستییەکانی پڕۆگرامەکە. هەروەها باسی شێوازەکانی پشتگیری و هاوکاری کرا کە دەتوانرێت لە داهاتوودا پێشکەش بکرێت.
ئەم سەردانە بە هەنگاوێکی ئەرێنی دادەنرێت لە ڕێگای پتەوکردنی پەیوەندییەکان لە نێوان دامەزراوە جیاوازەکان، کە ئامانجی سەرەکی بەرەوپێشبردنی کوالێتی خوێندن و دابینکردنی دەرفەتی باشتری فێربوون بۆ سەرجەم چین و توێژەکان.
ئەم هەماهەنگیە بەردەوام و دەبێت بۆ پشتگیری هەر دامەزراوە و لایەنێک و بەدیهێنانی ئامانجەکانیان لە بواری پەروەردە و فێربووندا.
