ئەمڕۆ ڕێکەوتی ٢٥-٢-٢٠٢٥، دوای ئەنجامدانی تاقیکردنەوەی کۆتایی، بڕوانامەی بەشداربوون بەخشرایە بەشداربووانی خولی فێربوونی بەرنامەی مایکرۆسۆفت ئۆفیس ئێکسڵ. ئەمە سێهەمین خولە کە مامۆستا (ئومێد عمر) بەشێوەیەکی خۆبەخشانە لە چوارچێوەی پڕۆگرامی "پێنجوێن شاری فێربوون"دا پێشکەشی کردووە، هیوای بەردەوامی سەرکەوتنی زیاتری بۆ دەخوازین. شایانی باسە کە ئەم جۆرە چالاکییانە ڕۆڵێکی گرنگ دەگێڕن لە پەرەپێدانی تواناکانی گەنجان و ئامادەکردنیان بۆ بازاڕی کار، بەتایبەت لە بواری تەکنەلۆجیای زانیاری و بەکارهێنانی نەرمەکاڵای کۆمپیوتەردا.