چالاکییەکان

چالاکی ژینگەیی منداڵان لە پێنجوێن: پاککردنەوەی باخچەی کتێبخانە

لە کار و چالاکیەکانی منداڵانی پرۆگرامی پێنجوێن شاری فێربوون
بازنەی دووەمی منداڵانی پرۆگرام هەستان بە پاکردنەوی باخچەی تەنیشت کتێبخانەی گشتی پێنجوێن.
پاکی ژینگە یەکێکە لە پەیوەندیە بەرزەی مێژووی کۆمەڵگای ئیشکراوی و جوانی کۆمەڵایەتی، بەرز کردنەوە بەم بابه‌تە نیشانی زیندەیەکی نوێیە.
سوودەکانی ئەم چالاکییە:
• فێربوونی بەرپرسیارێتی کۆمەڵایەتی لە تەمەنی منداڵیەوە
• بەرزکردنەوەی ئاگاداری بەرامبەر پاراستنی ژینگە
• پێکەوە کارکردن و هاوکاری لە نێوان منداڵاندا
• دروستکردنی شوێنێکی جوان و پاک بۆ هەموو خەڵکی شارەکە
ئەو منداڵانەی ئەمڕۆ بەشداری ئەم چالاکییانە دەکەن، سبەینێ دەبن بە هاوڵاتیانی بەرپرسیار کە گرنگی بە پاکی ژینگە و جوانی شارەکانیان دەدەن.
ئەم جۆرە چالاکییانە نیشانەی پێشکەوتن و بایەخدان بە بەهاکانی مرۆیی و کۆمەڵایەتیە.
 

چالاکیەکانی خولی هاوینەی منداڵانی پرۆگرامی پێنجوێن شاری فێربوون.

دەستپێکردنی پڕوگرامێکی تایبەتی فێربوونی هاوینە بۆ منداڵان لە شاری پێنجوێن

زیاتر لە ٨٠ منداڵ بەشداری پڕوگرامە پەروەردەییەکە دەکەن شاری فێربوون - پڕوگرامی پێنجوێن یەکێک لە گرنگترین تێکۆشانەکانی خۆی بۆ بەرەوپێشبردنی پەروەردە لە ناوچەکەدا دەستپێکرد، بە کردنەوەی خولێکی یەک مانگەی تایبەتی فێربوونی هاوینە کە بە تایبەتی بۆ منداڵانی تەمەن ٦ تا ١١ ساڵ دیزاین کراوە. تایبەتمەندییەکانی پڕوگرامەکە ئەم خولە پەروەردەییە کە بە بەشداری زیاتر لە ٨٠ منداڵ بەڕێوە دەچێت، لە چوارچێوەی چالاکییە پەروەردەیی و کۆمەڵایەتییەکانی پڕوگرامی پێنجوێندا ڕێکخراوە. پڕوگرامەکە ئامانجی ئەوەی هەیە کە فێربوونی کوالیتی بۆ منداڵانی ناوچەکە دابین بکات لە وەرزی هاوینەدا. گرنگی و کاریگەری ئەم هەوڵە وەک هەنگاوێکی گرنگ بۆ بەرەوپێشبردنی پەروەردە لە ناوچەکەدا دادەنرێت، بە تایبەتی لە کاتێکدا کە پێویستی بە چارەسەرکردنی کەلێنەکانی پەروەردە لە ناوچەکاندا زیاتر دەردەکەوێت. پڕوگرامەکە تەنها فێربوونی ئەکادیمی نییە، بەڵکو لە ڕێگەی چالاکییە کۆمەڵایەتییەکانیشەوە کارایی منداڵان لە بوارەکانی جیاوازدا پەرەپێدەدات. چاوەڕوانییەکان بە پێی ئەم دەستپێکردنە، چاوەڕوانی دەکرێت کە ئەم پڕوگرامە نموونەیەک بێت بۆ پڕوگرامی هاوشێوە لە شارۆچکە و گوندەکانی دیکەی هەرێم، هەروەها بەردەوامی و پەرەپێدانی ئەم جۆرە تێکۆشانانە لە ئایندەدا پێویستی خۆی دەردەخات.

🤹‍♀️🤾‍♂️ بەبۆنەی ڕۆژی جیهانی منداڵانەوە ئاهەنگێکی تایبەت بە منداڵان لە پێنجوێن ئەنجامدرا

🌞پێنجوێن- لە هەنگاوێکی جوان و بایەخپێدراودا، پڕۆگرامی پێنجوێن شاری فێربوون ئاهەنگێکی نایاب و خنجیلە بۆ منداڵانی شارۆچکەی پێنجوێن سازکرد بەبۆنەی ڕۆژی جیهانی منداڵانەوە. 🙋‍♂️ئەم چالاکییە تایبەتە کە بە مەبەستی دڵ خۆشکردنی منداڵانی ئازیز و چاوگەشی ناوچەکە ڕێکخراو. لە کۆتایشدا نامیلکەی تایبەت بە منداڵان پێشکەشی منداڵە چاوگەشەکان کرا.

خولە ناوازەکەی منداڵان کۆتاییهات..

بەشی منداڵانی پرۆژەی پێنجوێن شاری فێربوون، لەماوەی ڕابردوودا خولێکی هاوینەی تایبەت بە گەشەپێدانی منداڵانی ڕاگەیاندن و ماوەی ١٨ ڕۆژ بەردەوامبوو خۆشبەختانە بەرواری ٨-٨-٢٠٢٤ لە مەراسیمێکی شایستەدا کۆتایی بە خولی هاوینەی منداڵانی پرۆژەی پێنجوێن هات، لە کۆتایی خولەکەدا ئاهەنگی پێدانی بڕوانامەی بەشداری و بەڵێننامەی پابەندبوون بە ئامادەبوونی دایک و باوکی منداڵان بەخشرایە منداڵانی هاوڕێی پرۆژەی پێنجوێن شاری فێربوون و هاوکات سوپاس و پێزانین پێشکەشی ئەو مامۆستا بەڕێزانەکرا کە بەشێوەی خۆبەخش بەشدار بوون لە خولی هاوینەی مندالان، کەبریتیبوون لەم بەڕێزانە: ١- هیوا محمد ڕۆستەم ٢- سنور عوسمان رحمان ٣- نیگا ڕزگار حمەأمین ٤- کوێستان قادر حمەکریم ٥- ئاشتی مجید حمەمراد ٦- ڕەیان حسن حمەصالح ٧- ئازەر سالار أحمد ٨- باخان علی محمود

منداڵان سەردانی کتێبخانەی گشتی پێنجوێن دەکەن..

بەرواری ٦-٨-٢٠٢٤ منداڵانی خولی هاوینەی گەشەپێدانی منداڵانی پڕۆگرامی پێنجوێن شاری فێربوون لە پاش خاوێنکردنەوەی باخچەی کتێبخانەکە سەردانی کتێبخانەیانکردوو بە سوپاسەوە لەلایەن ستاف و کارمەندانی کتێبخانەوە پێشوازیەکی گەرم و پڕبایەخیان لە منداڵەکانکرد..

پاراستنی ددان دەکەینە خۆیەکی ڕۆژانە لای منداڵان.

بەمەبەستی پێدانی ڕێنمایی و هاوکات خۆپاراستن لە کلۆربوون و خراپبوونی ددانەکانمان بەرواری ٤-٨-٢٠٢٤ لە سیمینارێکی تایبەت بە ددان کە لەلایەن دکتۆرە(ژیار کریم) پزیشکی ددانەوە پێشکەشی منداڵانی خولی هاوینەی گەشەپێدانی منداڵانی پڕۆگرامی پێنجوێن شاری فێربوون کرا، بابەتێکی زانستی و هاوکات بە شێواز و ڕێگەی پزیشکی منداڵانە منداڵەکان ڕێنمایی کران بە پاراستن و خزمەتکردنی ددانەکانیان تاکو دوربن لە نەخۆشی و ئازاری ددان و لەهەمانکاتیشدا لە ئەگەری بونی هەر حاڵەتێکی نەخوازراوی ددانەکان ڕاستەوخۆ سەردانی نەخۆشخانە بکەن بەمەبەستی زوو چارەسەرکردنی کێشە تەندروستیەکانمان.

وانەی (بەها باڵاکان)

وانەی (بەها باڵاکان) مامەڵە و ڕەفتاری ناوپۆل و گەڕاندنەوەی یارەیەکان لە لایەن هاوڕێکانی پڕۆگرامی پێنجوێن شاری فێربوونەوە.

چالاکی و وانە خوێندن لە ناو سروشتدا

گەشتێکی کورتی خولی هاوینەی منداڵانی پڕۆگرامی پێنجوێن شاری فێربوون بۆ پارکی لازۆ بەمەبەستی ئاشناکردنی منداڵان بەشێوەیەکی کرداری لە وانە ژینگەیی و پەروەردەییەکانی خولی هاوینەی پەرەپێدانی منداڵان، چالاکییەکانی ئەم سەردانەش بریتیبوون لە : ١-بازنەی بەیانیان ٢-چالاکی ژینگەی ٣-یاری و شادی ٤-نان خواردن

وانەی وەرزش و تەرکیز

لە درێژەی کار و چالاکی و وانەکانی ڕۆژانەی (خولی هاوینەی پەرەپێدانی منداڵانی) پڕۆگرامی پێنجوێن شاری فێربوون، لە ڕێگوی یاریی بیرۆکەیی و جەستەییەوە منداڵان ڕادەهێنرێن کە بیر و هزری خۆیان بەشێوەیەکی ڕێکخراوو و دروست لە کایەکانی ڕۆژانەدا بەکاربهێنن

چالاکی ڕۆژانەی منداڵانی بەشداربووی خولی هاوینەی پەرپێدانی منداڵان

چالاکییەکان بریتین لە (چالاکی وەرزشی و هونەری و هزری و فێرکاری و باهاباڵاکان و ژینگە .. هتد)

ئەمانەت پارێزی لە ڕێگەی گۆڕینەوەی یاریەکانیان!!!

لەخولی هاوینەی گەشەپێدانی منداڵان، منداڵەکان فێردەکەین کە لەڕێگەی گۆڕینەوەی یاری دڵخوازی خۆیان، کە هەرمنداڵێک یاریەکی خۆی دەداتە هاوڕێکەی بۆ ماوەی ڕۆژێک یاخود ٢ ڕۆژ و دواتر گەڕاندندنەوەی یاریەکە بۆ خاوەنەکەی بەمەبەستی دروستکردنی هەستی بەرپرسیارێتی و پاراستن و گەڕاندنەوەی ئەمانەت بۆ خاوەنەکەی..

پێدانی کۆڵەپشتی (دۆستی ژینگە) بە منداڵانی بەشداربووی خول.

ئەرکی ئێمە تەنها فێرکردن نییە بە گوفتار، بەڵکو ئەوەندەی بتوانین پێداویستیەکی گونجاو گرنگ و پێویست دەبەخشینە ئازیزە بەشداربووەکان، بە بەخشینی ئەم کۆڵەپشتە بەو ئازیزانە ئەمانەوێت ئەم پەیامان بگەیەنین: ١- منداڵانی ئەم تەمەنە توانای هەڵگرتنی جانتای گەورە و قورسیان نییە. ٢- پێکهاتەی ئەم کۆڵەپشتان بریتییە لە قوماشێکی ئاسایی و بۆ ئەم وەرزە کە هاوینە گونجاوە تاڕادەیەک دۆستی ژینگەیە. ٣- بەم ئازیزانەمان بڵێین دیاری ئەگەر کەم و بچوکیشبێت پێویستە وەریبگرین و بەرز بینرخێنین. ٤- ئەوەی گرنگە ئەم کۆڵە پشتانە بە سوپاسەوە لەلایەن مامۆستا و خوێندکارانی خولی درومانی پڕۆگرامی پێنجوێن شاری فێربوون و لەسەر ئەرکی پڕۆگرامەکە و بە دەستی بەشداربوانی خولی درومانی پڕۆگرام بۆ منداڵەکان دروستکراوە.

منداڵەکان فێردەکەین تەندروستی خۆیان بپارێزن..

بەرواری 27-7-2024 لە چوارچێوەی (خولی هاوینەی گەشەپێدانی منداڵان) وەک بەشی تەندروستی پڕۆگرامەکەمان سیمینارێکی تایبەت بە شێوازی پاراستن و شتنی ددان لە لایەن خاتونی پەرستار بەڕێز (سارا باقی محمود ) پێشکەشی منداڵانی بەشداربووی خول کرا، هاوکات (فلچە و هەویری ددان) بەخشرایە هەریەکە لە منداڵانی بەشداربووی خولەکە، و لەم سیمینارەشدا بەشێوەی ڤیدیۆ و هاوکات کرداریش منداڵان ڕێنمایکران کە چۆن و بەچ بەشێوازێک ددانەکانیان خاوێن بکەنەوە و لە کلۆربون و خراپبون بیپارێزن. لە کۆتایشدا سوپاسی بەشی تەندروستی (پڕۆگرامی پێنجوێن شاری فێربوون) و هاوکات سەرجەم ئەندامان و مامۆستایانی خۆبەخشی ئەم خولە گرنگ و پڕبایەخە و سەرجەم چالاکیەکانی تری پڕۆگرامەکەمان دەکەین.

پشوی هاوین دەکەینە دەرفەت بۆ فێربوونی زیاتری منداڵەکانمان

بە دەستپێکردنی وەرزی هاوین، پڕۆگرامی "پێنجوێن شاری فێربوون" جارێکی دیکە شارەکەی خستە جموجوڵەوە بە کردنەوەی خولی هاوینەی گەشەپێدانی تواناکانی منداڵان. ئەم خولە کە بە بەشداری زیاتر لە ٢٢ منداڵی شارۆچکەکە دەستی پێکرد، ئامانجێکی بوێرانەی هەیە: گۆڕینی پشووی هاوین بۆ وەرزێکی پڕ لە داهێنان و فێربوون. "ئەمساڵ بۆ یەکەم جار، مندالان فرسەتی ئەوەیان دەبێت سود لە پشووی هاوین وەربگرن و بەشێوەیەکی نوێ و سەردەمییانە فێرببن. هاوکات خولەکە کە ماوەی سێ هەفتە بەردەوام دەبێت، کۆمەڵێک چالاکی نوێ و داهێنەرانەی تێدایە وەک پێشبڕکێی جۆراوجۆر ، هونەری شێوەکاری و مۆسیقا، لەگەڵ ڕێگاچارەی کێشەکان بە شێوازێکی گەمەئاسا. باوکێکی بەشداربوو گوتی: "منداڵەکەم بە شەوق و پەرۆشەوە بۆ خولەکە دێت، ئەمە یەکەم جارە بە خۆشییەوە بەرەو فێربوون هەنگاو بنێت!" پێنجوێن، شارێک کە هەنگاوی گەورەی ناوە بەرەو بوون بە سەنتەرێکی فێرکاری، ئەم خولە هاوینەیە نموونەیەکی بەرچاوی سەرکەوتنی ئەو ڕێگایەیە کە هەڵیبژاردووە.