لە ڕێکەوتی ٢٤-٧-٢٠٢٤، سیمینارێکی پەروەردەیی گرنگ بە ناونیشانی "پەروەردە لە سەردەمی ئێستادا" لەلایەن مامۆستا تریفە جەلال ساڵحەوە پێشکەشکرا. سیمینارەکە بە ئامادەبوونی ژمارەیەکی بەرچاو لە خانمان و دانیشتووانی شاری پێنجوێن بەڕێوەچوو، کە بە گەرموگوڕییەوە پێشوازییان لەم بابەتە گرنگە کرد. لە میانەی سیمینارەکەدا، مامۆستا تریفە جەلال باسی لە نوێترین شێوازەکانی پەروەردە و گرنگی گونجاندنیان لەگەڵ سەردەم کرد، لەگەڵ پێشکەشکردنی ڕێنمایی پراکتیکی بۆ ئامادەبووان سەبارەت بە چۆنیەتی مامەڵەکردن لەگەڵ ئاڵەنگارییەکانی پەروەردەی هاوچەرخ.